Latgalīšu lugu konkursā uzvar „Klepernīku pogosta zvaigzne”

Ir nūsasliedzs Daugavpiļs teatra izsludynuotais konkurss lugu raksteituojim latgalīšu volūdā. Konkursa komisija pyrmū vītū pīškieruse lugai „Klepernīku pogosta zvaigzne”. Tuos autore, konkursā pīsadaleja ar pseidonimu Kristīne Jokste i sovu eistū vuordu pagaidam nagryb atkluot, sajims 1000 Ls premiju, kai ari luga cytugod tiks īstudāta Daugavpiļs teatrī.

Daugavpiļs teatra direktore Inese Laizāne izstuosteja, ka pyrmū vītu īgivusī luga ir komendeja, deļ tam vyslobuok atbylst Latgolys metalitatei i teatra vīsizruodēs pīsaisteis ar gaišumu. Luga asūt muokslinīciski vierteigs dorbs, kai ari aktuala, deļ tam ka aizskorts teik nūvodu reformys laiks i ospruoteigai teik paruodeits myusu dīnu popularūs TV šovu īspaids sabīdreibā. Lugys autore par sevi atkluoja tikai tik daudz, ka asūt nu Preiļu pusis, struodoj medicinys sferā, itais asūt bejs pyrmais dorbs itamā žanrā – eksperiments, koč ari raksteit patics vysu myužu, sovus leidzšinejūs dorbus ari vēļ nikod nav nivīnam ruodejuse.

Vyspuor konkursā asūt pīsadalejuši vairumā autori, kam tei nav profeseja. Sajimtys 20 lugys, kas īsyuteitys kai nu Latgolys, tai ari nu Reigys i daže ASV. I.Laizāne prīcojās, ka skateituoji paruodeja sovu interesi par Latgolys teatra atteisteibu. Vairuokys lugys ir leidzvierteigi Latvejis mārūga lugu konkursu atrodumi, deļ tam lugys natiks globuotys, bet gon pīduovuotys īstudiešonai cytūs teatrūs.

Konkursā ūtrei vīta daškierta lugai „Vystu klāvs”, autori Oskars Orlovs i Gunārs Indričāns (sajims premiju 700 Ls); trešuo vīta ir divejom lugom: „Pūramolys pučes”, autore Anna Danča i „Likteneiguo vosora”, autore Rasma Zariņa (sajims premiju 200 Ls kotra luga).

Olūts: laikroksts „Latgales Laiks”