“Latgalīšu Gazeta” kai pīlykums “Latgales Laikam” septembrī

Pīktdiņ, 26.septembrī laikrokstā “Latgales Laiks” tyka publicāts nu jau pīktais pīlykums ar nūsaukumu “Latgalīšu Gazeta” – pīlykuma sagataveišonai pamatā teik montuoti LaKuGa.LV materiali, lai popularizātum myusu kūpeigū kusteibu latgaliskai raksteišonai. Juoatsazeist, ka laikroksta laseituoji i rakstejuši redakcejai i vaicovuši, deļ kam nūsaukumam pajimts taids nalatgalisks vuords “Gazeta” i deļ kam taida jūceiga ortografeja?

Tod nu, kai muoceju, tai atbiļdeju, bet varbyut Jiusim kaidam byus kū dalikt nu sovys puses?

• Vuords „gazeta” ir nu italīšu volūdys, latgalīšu rokstu valūdā īguojs nu poļaku volūdyas, plošai teik lītuots Latgolā ari myusu dīnuos. „Latgalīšu Gazeta” rauga rokstus gataveit atbylstūši Latgalīšu pareizraksteibys nūsacejumim, kuri tyka pījimti i apstyprynuoti LR Vaļsts volūdys centrā 2007. goda 28. septembrī. Atlaidit, ka cytu reizi vysleidz kaida klaida proskrīn, tak golvonais myusu aizdavums ir sorguot sovu volūtu, lītuot tū, ļaut ļaudim tymā raksteit, skaiteit i kūpeigim spākim lauzt sabīdreibys stereotipus. Vystyvuokajā laikā juodaboj īspiejis myusu volūtu vuiceit školā, a pagaidam mes aicynojam raksteit koč i ar klaidom – tys ir lobuok, nakai naraksteit pavysam. Sovus īsacejumus i komentarus syutit „Latgalīšu Gazetys” redakcejai iz e-postu: lakuga@latgale.lv