Komentaru kari

Es daž nazynu deļakam taids nūsaukums…… „Komentaru kari”…, tok skaņ glaunai! Es ari tīšom nazynu daļkam interneta vidī, i na tikai… vyspuor komentarūs, kai taidūs cylvāks puorzavierš mudruok i trokuok pa kū naviņ cytu nakai jis ir i jis dūmoj. Prūtams itaidā vidī ir drūsuok, jo tevi nivīns nakontroļej. Vairs naasi škoļniks, kas verās plykūs saitus ar īzvonu pīejis i-netu, tod raustīs nu kotra izdzierdātuo skona, jo mama, ci školuotuoja var pavērt durovys klasei ci ustobai. Nu, ak, jau vysim vysaidys maskys juovokloj, taipat, kai dažureiž iz klāvu īdamim juoapakl syudainī kalaši, kuri niu rudiņa laikā bez vylnys zečis ir pateikami solti.

Ruodīs, ka tei ir sārga. Da jau skaitieju, ka ari interneta atkareibu atzeis, par slimeibu. Ai. nimoz narunuosim par itū saitu. Paza, iz repubikys leluokuokīm komentāru karu saitu karim! Suokuos, ar vīnkuoršu tekstu. Dajebkaidu. 😀
Kotrys grib paspeidēt ar sovu gudreibu cik jau jam ruodīs….. Te sātā čatuojūs i runuojūs iz novembra vaļsts svātkim pa Skype (nu itei programma, personeigi maņ, pateik vaira 🙂 ) ar sovim draugim. Tod ,prūtams, vāluok aizarunuojom da poša Valdeiša vizeitis Rēzeknī. Nu, kai ta naceļsi piļsātā šumu, ka Vaļsts golva steidz aplaimuot ar vizeiti, pa vysim reiģionim! Trokys lītys! Kod ta veļ, ka ni niule! Bet tod maņ atskaņ frāze – Apsaver kaidi komentāri netā par Zatlera vizeiti Rēzeknē…….
Da, pasavieru vysaidūs saitūs. Nu, pasceit gūdeigi – aš, švaki palyka. Koč i par trybuka veseleibys stuovūkli navarieju žāluotīs. I karuseļi pateik, i tai….
Nu, otkon vacuo nasākla viņ ar nelelu „jaunumu” dajaukšonu!

Tod suoku dūmuot – taida atsevišķa daļa ļaužu. Siedi, pīmāram dorbā. Moz struodoj, žālojīs par līkajīm kilogramim, a pušdinēs eklērus ēd, syudīs par prīkšnīkim, prūtams, vaļdeibu… i viņ šaravoj kaidus neta saitus, lai izpiļdeitu sovu pylsūņa pīnuokumu i pakomenteitu kaidu rokstu, (a navys īt nūbolsuot) – ka vysi zagļi…., vysi sazoguši…., kū ta tī naviņ, taipat zags, čiuļi Pi…, čangaļi – siedit sātā, ci braucit iz Krīveju ( pa munam skaisti…es,pīmāram, Piterī tai ari i naasu pabejs :D) ! Vysaida žuļša…kaidu gribi izavielīs iz kū i atbiļdeit! Veļ mistiskuo Pasaulis, Latvejis krīze…Cyti i nazyn – kai, deļkam, kas tei vyspuor ir i ,kur rūdams olūts. Nav svareigi! Es suoku, ka cīči daudzi dūmuot…grumbu byus vaira. Juodzeivoj deļ seve.

Jau uorā snīgs. TV pīduovoj jaunys sezonys vysaidim latvīšu nadataiseitim šovim. Daži nikuo. Bet es navaru objektivi sprīst, jo sātā TV ir , bet jis naruoda jau puora godu, a uorā izmest, i nav laika, i žāla ar. Nu, tipiskuos tautīša īzeimis 😀 Tok re – Zīmys vokorūs varātu izreikuot jaunu šovu – „Komentu kari”. Ideja taida – Apsaverom kaidus nedelis nūtykumus, it tod nu vysom molom syutom sms pa 0,95sant + 0,18% nūdūklis + sovu naškeistuokū komentāru! Kurus apkūkuops, i īliks attīceiguo TV sātys lopā 😀 Gola rezultātā sazīduotū naudu atpruoveit, nu na jau govloni-apsprīstajam teksta/roksta varūņam, a, kaidai lobdareibai.
Tok daudzim vajadzeiga paleidzieba! Pīmāram vīns nu īrūsynuojumim – kaidai slimineicai i juos remontam, voi tī kam cytam. Es te naseņ rentgenu taisieju, i siedieju ryndā apmāram vīnu stuņdi i treispadsmit minotu. Izeimūt nu slimineicys sazajutu veļ ar vairuokom kaitem izguojs i aplips nakai īguoju. Sazaklausieju slymūs ryndā…. Tī varātu īt i sēdēt Edgara Po daiļradis pīkritieji. „Tys juonūgrīž, tys nastruodoj… a, tam kū vāg uorsteit naudys nav…”
Vysi ādom veļ maizi i dasu, a Zimbabvī bārni mierst. Par tū jau narunoj…..
Tai redzit i dzeivojam – sovs dāņu pīneņš, sova leišu galeite….

Kai sacātu muns muzykys školuotuojs (nu jau aizsaulī) :
Turitēs da beidzamuo!