Juļs – augusts (Brauc! BRĀUC! Ļic buļvys)

Mērfijs sacē tai – “Nazaudej golvu. Varbyuteņ kaids tū gribēs nūcierst… i nūteikti nabyus apmīrynuots, ka tei ilgi juomeklej!”

Zīmys mienešūs pampstūt pi TV, verūtīs smadziņu skoluošanai paradzātūs serialus i zīpu ōperys(mes te saucom par zīpu zuoperim), vysi gaida tūs feinūs,breivūs vosorys mienešus. Tod, kod beidzūt varēs ”pylnvierteigi” acapyust. A, saīt, mīleit, ka vosorā vaira dzelu nakai tu suokumā varieji dūmuot. Nā, kurš jau i teik da “jūŗjas” saulis i smiļkšu rīvuos paraudzeit. Verīs kas par dzelom – itū god dzīšmu i dzigu svātki, kuozys i ,kur ta bez kopusvātku! Piec kuortys.
Dzīšmu svātkūs, kai jau i kuram. Kurs atvede kaidys fantastiskys atmiņis, tod labi. Es ari beju vīns nu tīm daļinīkim. Personeigi maņ jau jī apnyka ūtruos dīnys beiguos 🙂 Vot vysi sakruo sovus punkteņus i apnyka 😉 I, tī vysi,kas sauce – “Je,oje, cik forši svātki! – tūs ari apsveicu. Eisti tu esi vergs. Vergs deļ puorejuos LV tautys, kas verās nu molys. Voi nu TV, voi dzeivajā. Saguo tai,ka itūreiz beju,kai doncuotuojs, jau ūtrūs svātkus.Īprīkšejī Dz.Sv paguo zam kūrista karūga. Ja, jau naudu atvieļej, to jau varātu i par pošim daļiņīkim pazaryupeit. Nu, koč drupeiti! A, to nūloksti, i tevi daž nadalaiž da stadiona žūga pazavērt, kai puorejī Zalkšus i Pārkūņkrystus vej:( Nu koč kaidu ekraneņu molā…Ai, nu tai i dzeivojom. Nimoz napīminēsim suopeiti par iedynuošonu, ka vajadzē trešuos reitivis eleganti izpyust izlītnē…Muoksla prosa uperus…Moš laiks daguojs uperim prasēt muokslu 😀
Veļ vīns troks trokums ir/beja kuozys! Vei! Itū god lobīs datums 08.08.08 Atzeistu, lobs. Koč veirim vīgļuok byus atguodynuot, kod jī tyka apgradzanuoti. Redzit, as vedieja lūmā beju 2 kuozuos, tī ,kur preciejuos muni draugi. Laikam septembrī veļ vīnys…Paļdis Dīvam, šūreiz naasu īcalts par Vaislenīka izvesšonu pi leigovys + tauteņuos 🙂 Pyrmejuos kuozuos, vyss mīreigi. Tikai draugu storpā i ļaužu moz. Bet ari pazaruodē humors ar gostu nu leigovys pusis :

• Nu, pastāsti,kā jums te Latgalē klājas?
• Nu,kai,kai..redzi dzeivojom. Inflaceja vaļstī, i tai…i tai…
• Nē, nu tas Latvijā! Bet, kas pie jums darās?

Es tai pazavieru, kai iz leprys slimnīku…i nikuo nacādams aizguoju. Nuokušīs moments,ka jis nazkur izvalk šnaba buteli, kura jau piec skota izaver reti rībeigi, i pīduovoj vīnai dāmai :

• Nu iedzeram!
• Paldies, nē!
• Nūū, jau! Kas ta tu uz Latgali atbraukusi nevari iešaut!

Te otkon tei dāma pazavēre iz jū taipat, kai as suokumā….Tod as :

• Tu,laikam, cīneitīs, kod gribi īdzer, puorbrauc Jpis rūbežu apstuoj i suoc lakt!

Tai jis vysim kryta iz nervu, komier piec kaida juo komenta pascieju

• Tu zyni, Latgolā elektreiba ari ir!

Nu tod beja mīrs.

Ūtruos kuozuos saguo traģikomiski. Suokumā tyku izreizis īcalts kai ūtruos/naoficaluos daļis izklaidātuojs(itys smīkleigs vuords). Tok īcaltīs lauluotīs puors vedieju lūmā nazkū navarē padaleit i saškandelej. Dzela aizīt gondreiž da škieršonys procesu! Nu, i beiguos par Vedieju īcēle mani. Itūreiz vyss tūmār nūguo labi. Bez nabašnīkim. Dabuoju ari lobus muzykantus, kas beja munā kompetencī. A, kur ta čiuļi dabuotu lobus muzykantus….Dabuotu otkon taidus, kuri viņ spālātu “Kaiju” i “Kamenis deju”, cikom es ar golda tupū nazi aiz “šubom”grīztu sev venys…. Beigu beiguos tūmār vysi pīdzāruši, smaideigi i laimeigi tyka īvadāti pareizajā gultnī..
Trešuos kuozys…nu tī tod maneisim kas i kai. Maņ personeigi smīklys pavalk ari “zagsūs” i bazneicuos. Voi ta navar īzavuiceit vīnu sokamū nu golvys? Navāg jau tuos gruomotu i kladeišu lopys tik enerģiski škurynuot. “Zagsu” babkom to i teksti i frizurys nu padūmju laikim 😀 Ak, jau. Kotram sova maizeite juopeļņej! Nu ,to, lai jau bārnim laimeigi…!

Tūmār interesanti – jū leluoka vaļstī ekonomiskuo krīze, jū ļaudim vairuok pazaruoda vajadzeibu i īgrybu. Es tai masu medejus puorlyukojūt sacynu. Te ar kolegu runuom – kai ta kotram īt? Secynuojums – Navīgļi. Kai jau i leluokajai daļai. Tok, verīs dažim īt veļ trokuot! Jau kaidu lobu laiku atpakaļ asu nūmainies sasveicynuošanuos frāzi. Ja kaids maņ uzprosa – “Vasals, kai īt,kai dzelys?” – , es tod atbiļžu – “Paļdis, syudeigi!”….Cik ta var maluot pošam sev i apkuotrejīm! Da i ilguok kai parosti ar tū cylvāku vari parunuot 😉 A, to standarts – Kai īt? – Paļdis, labi – Ā, nu labi!

Tiuleņ 1.septembris i otkon cyti trokumi. Dzejis dīnys, kai pīmāram. Kai ari cyti rokumi. Deļ tuo napakreitit! Dreiži i pīsaļs 😀
Mērfijs sacē tai – “Nazaudej golvu. Varbyuteņ kaids tū gribēs nūcierst… i nūteikti nabyus apmīrynuots, ka tei ilgi juomeklej!”

Turitēs da beidzamuo!