Jiekabpilī turpinuos lītovīšu kulturas dīnas
Ar Jaunatnis dīnu šudiņ Jiekabpilī turpinuos lītovīšu kulturas dīnas “Sveika, Lietuva!”.Kalpaka laukumā pi Jiekabpils Valsts ģimnazejas plkst.15 suoksīs muzikali izklaidejūša pītura jaunīšim “Nepabrauc garām!”. Tymā paradzāts Jiekabpils školu, Reigas lītovīšu ģimnazejas i Pasvalis pylsātas jaunīšu grupu koncerts, grafiti muokslas dorbneica i Lītovas kārumu degustaceja. Plkst.17 Jiekabpils pylsātys bibliotekā tiks atkluota Utenas muokslinīka Klemensa Kupriunas dorbu izstuode “Mazā grafika”, bet Jiekabpils pylsātas bārnu bibliotekā – izstuode “Apceļosim Lietuvu!”.Šudiņ Gulbenē i Jiekabpilī Lobkluojeibas ministrejas (LM) i Valsts socialuos apdrūšinuošonas aģenturas specialisti turpinuos informēt par aktualitatem pensiju jūmā. Seminarūs teik izdūti vysdažaiduokī vaicuojumi par penseju indeksiešonu, penseju damoksu palelinuošonu i naaplīkamuo minimuma damārūšonu struodojušū pensionaru olgom.
Reit, 8.i 9.majā, Latvejas Universitatis Mozajā aulā i Filoloģejas fakultatē nūtiks dzejnīkam Imantam Ziedonim i juo 75.dzimšonys dīnai velteits pasuokums “Ziedoņa dienas 2008”, kuramā eipašu akustiskū prīkšnasumu piduovuos latgalīšu modernuos muzikas grupa “Borowa MC”.
Šudiņ i reit, 8.maijā, nu plkst.11 da 16 Muokslas dīnuos Daugavpilī tautas lītišķuos muokslas studejas “Latgale” keramikas dorbneicā nūtiks atdareitū durovu dīnas. Šudiņ kinoteatrī “Renesanse” tiks atkluota i da 30.majam byus apsaverama Daugavpils bārnu muokslas školas školuotuojas Kristīnes Jansones audziekņu grafikas dorbu izstuode. Muokslas dīnu nūslāguma pasuokums nūtiks 15.majā plkst.16 ar Daugavpils reģiona Muokslinīku asociacejas izstuodis atkluošonu Daugavpils Nūvodpietnīceibas i muokslas muzejā.
