Ja ir rokstomīss, tod nav papiera. Ja ir papeirs, tod nav rokstamuo. Ja ir obi, tad nav, kū pīraksteit

mmmda, tai švaki i tai nalabi. i , tod soka,ka tī muokslys cylvāki čudna tauta….
ak, jau 🙂

Bļaha, toč jau suok pīzagrīzt. Nā ,nu jau suoku i darast 😀
Kai septembris, tai zvoni nu školom. Suokuos teleponsaruna apmāram tai :

• Voi navarātu atbraukt kū naviņ paskaitēt…mes gaidēsim!

voi

• Jius asot tys ,kas nu Radejis var atbraukt da myusu!

/itys variants līk nūzašokēt :D/

• ????
• Nā, nu Dzejis dīnu sakarā!
• Nu, i….
• Nu, koč kū myusem pasuostēt……

Ot dūmoju es sevī, Dzejis dīnuos – kūnaviņ pastuostēt..kaidys buļbys aug, kai solstom Rēzeknī..nikas soltumā mīsa lobuok sazagloboj, nu i.t.t, …laikam 😀
Nu, skaidra līta, ka “gaideisim”…standarta frāze…atguodoju nu sovim vydškolys laikim!
I, ka pasoki, ka Tev vāg padūmuot, moš navariešu, voi ir laiks i.t.t, tod ūtrā trubeņis golā apvainuota bolss

• Nā, navarot…..braucit ar autobusu!

O,jē! jau lācu īkšā. Nā,ka loba satiksme var i aizbraukt da kaida tyvejuo pogosta školys, bet ja tī satiksme nu REITA viņ VOKORŪS!!! Jebac pa muti, teiktu vīns Dpils draugs!!!!

Tod sekoj sekojūši, kur es daspieleju kluotu, jo īpatykuos tī – “A…A…A” 😀

• A, mašynys jiusem navā?
• Nā, maņ, personeigi nav.
• A, kai tai?
• A, redzi TAI!
• Āāāā, a jius nu Rēzeknis, voi nu kurīnis braucot?
• Nu Rēzeknis gon.
• Nāāā, myusem tod nav tolka mašynu dzonuot….
• Ak, jau….
• Nu, jāāāāā….bet myusem tū vajadzātu jau reit!

es dūmoju, labi, ka na tymā pošā dīnā pīzvanē

Atguodoju,ka paguojušu godu myusus ar Eināru, sauce iz iz vīnu vydškolu….es nazkai navarieju, Einārs gon aizbrauce, bet ar nūteikumu, ka jam pakaļ atbrauc. Nu, tī tož sazavībe

• Oi, jiusem pakaļ juobrauc, i.t.t.

Bet beiguos es smiejūs, kai Einārs stīpe “honararu graudā” pa radejis gaiteni – maiss ar būrkonim + kaidys 5-6 buļvys; 3 patisoni; + 1 kirbeits 😀
eleganti!

mmmda, tai švaki i tai nalabi. i, tod soka, ka tī muokslys cylvāki čudna tauta….
ak, jau 🙂