Ingrida Tārauda LAIKS KOD ZAM KOLDURA
![](https://lpr.gov.lv/wp-content/uploads/2007/ilze-sperga/951.jpg)
***
Īskotam suleiga zemis
Bryuneiguma ocu kruosa
Tei sapylda vysu
Kū gribu salikt/nūvītuot
Apskaut/atrast
Tod pīninis atsaver
Miļjonim madainu
Dzierksteļu
I tovys acs soldonai
Smaiduļoj
Nazyn voi tymuos atspeidu
Ari es
***
Vieja daklauviejums
Muna apsadūmotka
Piļsātys dvēseļu
Kleisnuojums tu – kai
Vakar – baroj bolūžus
I jiutīs breivs
***
Tuoļuoknabyušonys smogī vuorti
Tova kotra dīna daleip
Biļžu albuma ilgūtneigajom lopom
Mežā pamastuo zoru i jiutu
Pamuojeņa kur sapyni kai oreols i
Vairuok
Tukšums nakai irā soltums
Ari Sibirejis tīgeram suop kod
Pamats irā par osu
Nogspiļviņtenim
***
garom i otkon
gaiši vokori i rosu reiti
Elizejis lauki
rūka dasastīp
nūteik iraida
īsameiluot
laimeigi laimeigi
pumpuri brīst
***
munā piļsātā
ānu gaismys
i šaļteņu breineiba
saplāstys peipyunis
bolss i vaiduojums
cepļa sprāguojums
laiks kod zam
koldura
atsagrīž puosoka…
***
muzykys ritms ībunguodeņoj manī
franču smolkuos maizeitis i
angļu mīra puorjimta
pretkopejuotuoja porcelaniskuo
seja
nav daudz maņ eisziņu
nu punktim kur asu
dasaskuoruse
ar vāsu karūteiti
atsvaidzynoju lyupys i
ritmā pazaudēju
leidzsvora eseibu
***
nav juogaida
zyrgi aizskrīn puori pļovai
pajiuk rosa i pīniņu dzaltonums
laksteigola lokstojās – soldona dzīsme
saleip ziernekļa teimeklī
nikas nav paradzams
i gaideišona
kod tu palaidi mani vaļā
es klivu par pulkstynu
tik… na tik…