Grupys “Dabasu Durovys” koncerti seņtebrī
Grupa „Dabasu Durovys” aicynoj sovus draugus, dūmubīdrus, atbaļsteituojus iz grupys jaunuo albuma „Ļepetņīks” prīškāstateišonys pasuocīņim i koncertim 10., 12., 20. i 25.seņtebrī. 10.seņtebrī teikomēs Daugovpilī, vīsneicys „Latgola” augšuokajā stuovā, restoranā „Plaza”, kur byus pyrmais muzykys skrytuļa „Ļepetņīks” prīškāstateišonys pasuocīņs i koncerts. Suokums 20 stuņdēs. Daleiba pasuocīnī breiva.12.seņtebrī Reigā, klubā „Depo” ari nūtiks „Ļepetņīka” prīškāsateišona i koncerts, kur uzastuos ari „Dabasu Durovu” draugu grupys nu Latgolys – „Bez PVN”, „D-Light”, „Green Novice”, „Likteneigais pagrīzīns iz Vainovu”, „New Buzz” – i nu Reigys – „Xenos”, „Restauratori”. Vaira dazynuošonys www.klubsdepo.lv/index-lat.php?p=8&id=1286. Lopā atrūnams ari flaers, kuru izprintejūt i uzruodūt pi īejis, biļetei ir loba atlaide!
20.seņtebrī Bolvu rajona Škilbanu pogosta Upītē „Dabasu Durovys” ar koncertu gasteis latgalīšu meilys dzīsmu i aiļu festivalā „Upītes Uobeļduorzs”. Informaceja uobelduorzs.eclub.lv/.
25.seņtebrī Reigā, LMA Studentu klubā “Kontaktzona”! Pasuocīni reikoj Daugovpiļs jaunīšu apvīneiba Reigā deļ studentim, kuri cālušīs nu Daugoviļs, i jūs draugim nu cytom Latvejis vītom. Koncertā uzastuos Daugovpiļs muzykantu grupys: DeBate, Robotplant, Beat milk Jugs, Dabasu Durovys.
Grupys „Dabasu Durovys” muzykys skrytuli „Ļepetņīks” izdūd „Latgolys Producentu Grupa” ar Valsts Kultūrkapitāla fonda Latgales programmas, Latgales Reģiona Attīstības aģentūras, Latgales Reģiona Tūrisma asociācijas un Aglonas Tūrisma informācijas punkta, park hotel „Latgola” restorāna „PLAZA” i kluba „Depo” atbolstu. Informativī atbaļsteituoji – „Latgales Radio”, „Latgales Reģionālā Televīzija”, „Latgales Laiks”, „Vietējā Latgales Avīze”, „Radio Sigulda”, portali www.latgale.lv, www.lakuga.lv i.c.
