Dzeja / Baiba Zveigule

Puča lobuoka kuo buča?

Lobpruot duovynuotu Tev muškaturi,
bet jam mudri zīdlapenis nūbierst i salaseit nasagryb,
bet veistūšys zīdlopys, nav skaistys zīdlopys.
Kuo byutu ar smuku stoļetnīceņu,
nu laikam tūmār nabyus labi –
es zynu Tev napateik ryugti stoļetnīki.
Atguoju pi Teva tukšom rūkom…
Bet Tu apsavainuoji, ka Tev puču naatnešu..
Ai tu saprūti tuos sīvītis..
volkojās kuo sasabūzuši kaktusi…

---

****
vakar redzieju
kuo pakluojā īteitu cylvāku
vieļa nu kolna iz upis pusi

nazynu voj vairuok bie žāl
tuo cylvāka voi pakluoja
varbyut poša vielieja

lai nu kuo bet juoatzeist ka
vīgluok ir īt pa nūbroduotu taceņu
pat ja juoīt nu kolna