Bez tēmas 

Dūmu pylni pogolmi / septembris

Šudiņ jau izpuordūtys biletis iz „Buobu vosoru”. Dīmžāl ari „Bilešu Ēdenis” kasēs vyss izpuordūts. Filma ir jauna, ar saistūšu, aktuāau un breižim ļūti osu sižetu. Bārnim paradzāts multfilmys variants. „Buobu vosora” ir izdūta ari gruomotā. Tuos varit īsaguoduot vysuos „Pogolms DEF” gruomotneicuos. Eisumā par filmys sižetu:

Kaids jauneklis vuordā Septembris gatavojās dūtīs iz Oktobri meklēt laimi, bet piekšņs nūtykums izjauc juo planus. Septembra lobuokais draugs Lopkrits sasaindejs ar pelejušom sieņom, kurys piec spieceiga leita saaugušys Lopkriša personeigajā sieņu audzātovā. Tai kai Lopkrits navar jimt atvalinuojumu itymā tik ļūti nūzeimeigajā buobu vosorā, jam par spīti sasaindēšonai juodora sovs dorbs. Dīmžāl simptomi palīk simptomi, un Lopkrits, sagatovojūt lopys nūkrisšonai, nagrybādams tuos nūkruosoj zylā kruosā. Šefs draud Lopkriti atlaist, bet, apsažālovīs par jū, līk Lopkrišam tikai samoksuot par nūdarātajim zaudiejumim. Lopkrits vairs navar aizdūt naudu Septembram, deļ tam nauda biletei iz Oktobri juomeklej cytur. Nu, obi draugi meklej finansialu atbolstu kotrs sovom vajadzeibom. Visbeidzūt atlīk pādejuo īspieja, kai tikt pi naudys. Voi jim tys izadūs?

Interesanti fakti par „Buobu vosoru”:
• Filma uzjimta 2007.goda septembrī,
• Filma nomināta Osmundam (Oskara paveids),
• Filmāts – pavysam pylnā pogolmā
• Par tū, kai nu golvenuos lūmys atsaceja Džonijs Deps, losit žurnala ”Ipigenija” pīlikumā „Ipigenijis stuosti”.

Tai kai apsprīžūt filmys sižetu dasaskuorom jautuojumam par naudu, tod sekoj vaicuojums:”Kū navar nūpierkt par naudu?”
Jaunīši atbiļdeja, nūsaucūt treis lītys, kurys, jūspruot, navar nūpierkt par naudu:

  • Mīlesteibu, veseleibu, dzeiveibu. Guntars
  • Hmmm… mīlesteibu, veseleibu, i labi pagatavotu pīnu ar madu. Jānis S.
  • Veseleibu, mīlesteibu, draudzeibu. Lauris
  • Pyrmom kuortom Dīvu; mīlesteibu, cīnu. Mārtiņš V.
  • Veseleibu, dzeiveibu, laimi. Guna
  • Es dūmoju, ka nav vārts pat uzskaiteit, juo tū ir vairuok nakai treis. Vyss, kas saistuos ar cylvāka breiveibu un jyutu pasauli nav par naudu nūpierkams. Suokūt ar vīnkuoršu draudzeibu un beidzūt ar mīlesteibu, a pa vydu vyss porejais, uzticeiba, laipneiba utt. utp…… Jānis V.
  • Dzeiveibu, mīlesteibu, laiku. Andris
  • Nu, nūteikti eistu draudzeibu, poša raksturu i talantus. Tī byutu taidi treis lobuokī. Naizmontuošu banalūs tekstus par ļūbesteibu, par tū, ka eisti pats nazynu, kas tys par zvāru ir, kū zīmā ād, i voi vyspuor taids pastuov…. Jānis P.
  • Mīlesteibu, gimeni, draugus. Mārtinš A.
  • Veseleibu, laimi, zinuošonys. Rita
  • Draudzeibu, eistu laimi, lobu veseleibu. Ernests
  • Draudzeibu, simpātejis, patīsys jiutys. Guntis
  • Ticeibu, cereibu, mīlesteibu. Jānis R.