Daugovpiļs rajona Leiksnā nūtiks folklorys kūpu saīts „Ražys svātki”

2008.gods 27.septembrī Daugovpiļs rajona Leiksnā nūtiks pyrmais folklorys kūpu saīts „Ražys svātki”. Pasuocīnī pīsadaleis Daugovpiļs rajona folklorys kūpys i etnografiskī ansambļi. Koncerta laikā dalinīki dzīduos latgalīšu tautysdzīsmis par rudiņa i ražys tēmu.

Kai stuosta pasuocīņa iniciatore, Leiksnys pogosta Kulturys noma direktore Silvija Sproģe, rudiņs ir ražys laiks, kod atsaskota iz padareitajim dorbim i prīcojas par dorba augļim. Tys ir ari eistais laiks, kod folklorys kūpom i etnografiskajim ansambļim paruodeit sova kolektiva dorba augļus i nūvērtēt ari cytu padareitū.

Folklorys kūpu saīts „Ražys svātki” nūtiks Leiksnys pogosta Kulturys nomā, kur nu 19 stuņdem byus folklorys kūpu i etnografiskūs ansambļu koncerts. 21 stuņdē suoksīs kūpeiga dzīduošona, doncuošona, atrakcejis, rūtaļis i bals kūpā ar muzykantu Daini Somu.

Saītu reikoj Leiksnys pogosta Kulturys noms. Pasuocīni atbolsta Daugovpiļs rajona padūmis Tautas izglītības un kultūras centrs i Leiksnys pogosta padūme.

Vaira informacejis: Silvija Sproģe, t. 65475550, e-posts: silvijasproge@inbox.lv