Čehejis viestnīks Latgolā
Davgavpils Universitatē šudiņ gasteis Čehejis viestnīks Latvejā Tomāšs Pštross. Viestnīks pīsadaleis starptautiskuos izstuodis “Latvīšu – Čehu literarū sakaru pīci godsymti” svineigejā sliegšonys pasuocīnī, piec kurys tiksīs ar Daugavpils Universitatis rektoru Arvīdu Barševski.Starptautiskajā izstuodē “Latvīšu – Čehu literarū sakaru pīci godsymti” apkūpouti materiali par latvīšu – čehu kulturys i literarū sakaru viesturi. Tuos autori centušīs gūduot slavenuos i mozuok zynomuos personeibys obu tautu literaturuos.
Tagad giut jaunys zynuošonys i prasmis muokslys pedagogi vareis itepat Rēzeknē, jo aizvadeituo goda beiguos Rēzeknis Muokslys vydsškolā tyka izveiduots Regionalīs muokslys izgleiteibys metodiskīs centrs. Centrs pieteis pedagogu tuoluokizgleiteibys vajadzeibys i reikuos pasuokumus. Pošlaik teik planuoti īspiejamī seminari i kursi tyvuokajīm mienešim. Latgolā gataveibu kliūt par metodiskīm centrim apstyprynuojušys divys vydsškolys – Rēzeknis Muokslys vydsškola i Davgovpils muokslys vydsškola ,,Saulis škola’’.
Reit, Rēzeknis dūmis prīkšsāduotājam Jurim Guntim Vjaksem paradzāta tikšonuos ar Atteisteibys puorvaļdis „Rēzeknes Biznesa centrs” i Byuvaļdis specialistim, Regionāluos atteisteibys i pošvaldeibu lītu ministrejā, lai puorrunuotu pylsātys integreituos atteisteibys vaicuojumus.
Jākubpils golvanuo biblioteka arī 2008.godā saglobuojuse tradiceju mieneša pyrmajā pīktdinē aicynuot interesentus iz Jaunū gruomotu dīnu. Pasuokums laika gaitā ir klivs populārs i pulcynoj lelu laseituoju skaitu. Arī šūraiz interesentu natryuka.
