Borowa Mc atsagrīž sātā!
Latglīšu modernuos muzykys grupa Borowa Mc nūdūd radio klauseituojim jaunuokū singlu i gatevejuos koncerttūris nūslāguma pasuokumam Rēzeknē, 16. decembrī.Tu vysod zini, ka sātā Tevi kaids gaideis! Nasaverūt iz tū, cik tuolus ceļus asi staiguojs, cik kūrpu puoru nūvolkuojs voi cik pasauļa zemu redziejs. Sātā byus vacuoki i draugi, i cylvāki, ar kurim vysod byus par kū parunuot.
Grupys Borowa Mc jaunuokais radio singls “Es tevi gaidiešu” ir apstuodynuojs atsagrīsšonuos breidi i īmyužynuojs otkon sasatikšanuos prīcu! Dzīsme paleidzēs cylvākim Zīmyssvātku laikā atrost ceļu pi sovim meiļajim. Dzīsmā izmontuotys latgaliešu alineicas Līgys Rundānis ailis.
Pi tom 16. decembrī grupa nūspēleis pādejū jaunuo albuma “Ui, lobs!” tūris koncertu sovā dzymtajā pylsātā Rēzeknē. Koncerts byus Zīmyssvātku duovona medikim i cytim medicynys īstuožu darbinīkim, kurim īeja koncertā byus bez moksys. Ideja par itaidu koncertu grupai rodusīs pyrmai kaida laika tiemejūt mediķu streikus.
“Ituo goda laikā ari pošim ir bejus lela saskrasme ar medikim, kas myus operejušs i uorstejušs bolsus. Grybam pascēt paļdis i saguoduot prīcu Zīmyssvātkūs, deļ tuo, ka medikim nav vīglai – smogs dorbs i saleidzynūšai nalels atalguojums!” grupys vuordā īmaslu itaidai duovonai taišni medikim stuosta Aigars Runčis.
Iz koncertu aicynuoti vysi Borowa Mc daiļradis cīnietuoji i atbalsteituoji, turkluot grupys leldrauga Maxima klientim – biļeti liešuok. Vaira dazynuošonai – www.borowa.lv
