Atkluos Daugavpils dūmis administracejas Reigas biroju
Šudiņ plkst.13 tiks atkluotas Daugavpils dūmis administracejas Reigas biroja ustobas i nūtiks Daugavpils jaunīšu apvīneibas Reigā (DJAR) veidūtuo ceļveža pa Daugavpili “Uzmanību, Daugavpils!” prezentaceja.Daugavpils dūmis administracejas Reigas birojs izveidūts i dorbojuos kai atbolsta i informacejas punkts Daugavpils dūmis administracejas dorbam Reigā, veicūt Daugavpils interešu puorstuovnīceibu. Vīna nu tuo funkcejuom ir aktualuos informacejas snīgšona par Daugavpils pylsātys dūmis darbeibu i atteisteibas īspiejom Daugavpilī.Par atbildeigū personu “Latgales enerģijas” anulātajuos licencēs nūsaceitajim sabīdriskajim pakalpojumim īcaltajam Riezeknis dūmis izpilddirektora vītnīkam Ivaram Locim syltumapguodis vaicuojumu risinuošonā tuoļuok paleidzēs itam nūlyukam specialai izveidūta dorba grupa. Dorba grupa dorbūsīs vaira nakai desmit cylvāku sastuovā – dūmis vadeibas puorstuovi, strukturvīneibu vadeituoji, pošvaldeibas uzņiemumu puorstuovi. Dorba grupu vadeis Locis.
Šudiņ plkst.12 Leivuonu nūvoda dūmē nūtiks svineiga jaunū pilsūņu apsveikšonas ceremoneja. Leivuonu nūvoda dūmē dokumentu par pilsūņeibas īgyušonu naturalizacejas kuorteibā sajems seši Leivuonu pylsātas dzeivūtuoji, kurī latvīšu volūdas prasmi apgiva bīdreibas “Baltā māja” reikūtajūs kursūs.
