Atbiļdeibys nosta

Mundīrs zaļš ar pūgom spūžom,
Ūsenis zam daguna.
Vakar pro*ierst muižu kartuos
Nabej’ lela problema.

Zūbyns makstī speid i laistuos,
Tikai naradz Tū nivīns.
Ašņa izlīts ar Jo daudzi –
Analizim grami treis.

Zuoboki ar osim pīšim,
Lai var zyrgam suonūs cierst.
Rikšūs tod leidz bordeļam,
Dāmys plucynuot da škierst’.

Opiceram juobyut mūdram,
Sorgūt Impereji – „Bacjku”.
Lai kreit zoldati, kai myusys,
Ka tik krūnī vaira cacku!

Smolkys manīris i dzeja –
Valši balūs naskaitamūs.
Romani ar svešom sīvom,
Ordeni, kas poši atnuoks.

Nosta tei iz vīnim placim,
Pagonim ar zalta buorkstim.
Juonas kotram augstdzymušam,
Jau nu peļonku i rotim.