Atbalsteisam Tibetu i tibetīšus!

Pasaroksti i izsoki sovu atbolstu Tibetai i tibetīšim! Akcejis iniciatori – latgalīši Janīna Kursīte i Aigars Runčis. Pādejūs mienešu laikā cylvāktīseibu puorkuopumi Tibetā nūklivušs starptautiskuos sabīdreibys uzmaneibys centrā. Cylvāki dažaiduos pasauļa vaļstīs reikoj akcejis Tibetai i tibetīšim, protestejūt pret cylvāktīseibu puorkuopumim itymā regionā i dasavīnojūt tibetīšu praseibom piec kulturys i religejis autonomejis.

Starptautiskuo sabīdreiba aicyna Kīnys varys īstuodis izsuokt dialogu ar Tibetys gareigū līderi Dalai Lamu i nūdrūšynuot īspieju pasauļam izzynuot par tīsiskajim nūtykumim itymā regionā. Ar latvīši, atsacerūt sovu liktini 90. godu suokumā, kod svareigs beja kotrys vaļsts i tuos īdzeivuotuoju atbolsts, organizej dažaidys akcejis ar mierki morali atbalsteit tibetīšus.

Nu pyrmudīnys, 21. apreļa, nūsarisynuos akceja “Atbalsteisam Tibetu i tibetīšus”, kurys iniciatori ir profesore Janīna Kursīte i muzykis Aigars Runčis. Akcejis laikā cylvāki, kursim nūtykumi Tibetā nav vīnaldzeigi, aicynuoti pasaraksteit ar sovu vuordu i uzvuordu zam uzsaukuma portalā www.diena.lv/lat/tautas_balss… i taidā veidā izsaceit sovu moralū atbolstu tibetīšim.

Pasaraksteišona nūtyks leidz svātdīnai, 27. apreļam. Akcejis nūslāgums nūtyks 29. aprelī Doma laukumā Reigā plkst. 19:00, kur pi Tibetys karūgim akcejis organizatori aizdegs tik daudzi sveceišu, cik cylvāku byus pasarakstiejušs i izsaciejušs sovu atbolstu.

Atbalsteisam Tibetu i tibetīšus!