Apryupis sātys klienti Leldiņu akcejas gaitā sajems maizi
Nu šudines da 25.apreļam Rēzeknē Socialuos apryupis puorvalde reikoj Leldiņu akceju, kuras gaitā pylsātas apryupis sātys sektora klienti sajems maizi. Rēzeknis pylsātas apryupis sātys sektorā ir 145 cylvāki, kurī akcejas gaitā kotrs sajems rupmaizis i boltmaizis klaipu. Sovukuort Rēzeknis nakts patversmis ustobuos nu plkst.12 da 14 pylsātas tryuceiguos personas varies sajemt syltas pušdines.Šudiņ plkst.16 Daugavpilī, kinoteatrī “Renesanse”, tiks atkluota muokslas vidusškolas “Saules skola” audziekņu dorbu Leldiņu izstuode. 24.martā Daugavpilī, kinoteatrī “Renesanse”, tiks svinātas Ūtruos Leldines. Plkst.14 tiks demonstrāta animacejas filma vysai saimei “Hortons”, bet plkst.16 suoksīs svātku pecpušdine kūpā ar folkloras kolektivim. Leldiņu pasuokumi nūzasliegs Daugavpilī ar grupas “Menuets” 40 godu jubilejas koncertu “Nāc uz manām trepēm spēlēties” plkst.18.
Šudiņ plkst.13 nūtiks Rēzeknis pylsātas integrātuos atteisteibas programmas 2007.-2013.godam Vidis puorskota projekta sabīdriskuos apsprīšonys sanuoksme. Vidis puorskota projekta mierki ir izviertāt asūšū vidis situaceju, planuošonas dokumentu realizacejas ītekmi iz vidi, kai arī nūsaceit byutiskuokuos problemas. Rēzekne, dūmojūt par tuos tuoluokū atteisteibu, izvirzej sevi kai Austrumlatvejas kulturas i izgleiteibas centru.
