6.marta “Latgolys Vuords” Latvejis radejis 4.programā
Pīduovojam nūsaklauseit Bronislava Spridzāna kasnedelis raidejumu “Latgolys Vuords” nu Reigys (6.marta laidīņs). Bronislavs drusku bolsu pagaisynovs, bet Saļnovys kvartets dzīd, teik runuots par dzeivi Sokolku pogostā (nu tuo ari 9 cylvāki jau nūbraukuši iz uorzemem struoduot)…Laidīnī teik runuots ari par Lubuona azara nuokūtni. Kai ari teik atguodynuots par Latgalīšu organizaceju kongresu i cytom Latgolys Studentu centra aktivitatem (ite maņ juopaloboj sovulaik poša stuosteitais – pyrmais koncerts “Taiseits Latgolā” varātum nūtikt Rēzeknē 30.martā, bet ari tys vēļ nav stingri nūsaceits – konkreta informaceja izreiz tiks publicāta LaKuGa.LV).
Vēļ itymā reizī ir interesanti stuosti – vārts nūzaklauseit.
