Zinis (6.12.2007.)
Šudiņ Daugavpilī turpynuosīs Starptautiskajai invalidu dīnai veļteiti pasuokumi. Socialuos apryupes i rehabilitacejis dīnys centrā nūtiks Informacejis dīna, kurā paradzāta tikšonuos ar Nūdorbynuoteibys vaļsts agenturys Daugavpils filiala, Socialuos integracejis centra Daugavpiļs atbolsta punkta, Gareiguos i emocionaluos veseleibys centra specialistim i Socialūs lītu puorvaļdis specialistu konsuļtacejis.
Šudiņ Jākupiļī plkst. 10.00 un plkst. 13.00 Krustpiļs kulturas nomā Daugavpiļs teatra muzykalo izruode bārnim piec Šarla Perro puorsokys motivim „PALNRUŠKEITE” (latvīšu volūdā). Īeeja: Ls 1,50.
Šudiņ Rāzeknes augstškolā gasteis Turku universitatis (Igauneja) jauktīs kūrs “Opena”. Sovukuort reit rēzeknīši tiks aicynuoti nūsaklauseit kūra “Opena” un RA kūra “Sonitum” kūpkoncertu piļsātys kuļturys nomā. Koncerts reit suoksīs plkst.17.00. Pyrmuo kūpkoncerta daļa byus veļteita Sūmejis vaļsts naatkareibys 90.godadīnai, kurā skaneis sūmu i latvīšu tautys dzīsmes, bet ūtruo daļa paradzāta kai Zīmyssvātku īskanis koncerts.
Jākupilī šudiņ nūtiks pādejuo Jākupiļs rajona padūmis Finanšu komitejis sēde. Tuos dorba kuorteibā ir vairuok nakai desmit vaicuojumu, tūs skaitā par pošvaļdeibys budžetu 2008.godam. Vēļ planuots skateit grūzejumus nūlykumā ”Par dorba samoksu”, daškiert finansejumu dzejūļu kruojuma izdūšonai, lemt par daleibu projektā, bioenergetikys izmontuošonys perspektivom Latvejā i pījimt cytus lāmumus.
Reit pl.10:00 Višķu profesionalajā vydsškolā, a pl.16:00 Dvītē literari muzykals pasuocīņs „La-La-Dra”. Jau trešū godu piec kuortys bīdreiba „Latgolys Studentu centrs” turpynoj tradiceju un aicynoj iz pasuookumu „Latgalīts Latgalīšam Draugs”. Eiropys Savīneibys atbaļsteita projekta ītvorūs taida veida pasuokumi nūteik sešuos dažaiduos Daugovpiļs rajona vītuos.
Jūprūjom sazagloboj garuos kravys automašynu ryndys iz Latvejis i Krīvejis rūbežys Terehovys i Grebnevys rūbežkontrolis punktūs. Šūreit izbraukšonu nu vaļsts Terehovys rūbežkontrolis punktā gaideja 880 mašynys, savukuort Grebnevys -350 spākroti.
Zinis sagataveja: Guna Zvīdre