Zatlers īsapazyn ar situaceju iz Latvejis i Krīvejis rūbežys

3. i 4.augustā Valsts prezidents Valdis Zatlers apmeklieja Latvejis i Krīvejis rūbežu, kab kluotīnē īpasazeitūs ar situāceju vairuokūs rūbežkontrolis punktūs. Uzsuokūt vizeiti Latgolā, Zatlers īsaroda Bērziņu rūbežpunktā i Ludzys Rūbežsardzis puorvaļdē, kur īpasazyna ar puorvaļdis darbinīkim i rūbežsorgim, nūsaskateja rūbežsardzis tehnikys demonstriejumu i apsavēre rūbežsardzis telpys.

Prezidents apmeklieja arī Ludzys Nūvadpietnīceibys muzeju, bet vokorpusē īsarade Mērdzenē, piečuok arī ludzānīši i piļsātys gosti dzierdē Vaļsts prezidenta uzrunu Ludzys piļsātys svātkūs, sastdiņ prezidents apmeklieja Opuļu i Terehovys rūbežpunktu, tuoļuok vaļsts prezidets turpynova viziti Kruoslovys rajonā.

Šudiņ Vaļsts Rūbežsardzis koledžā Rūbežsorgu školys kadetu 12. izlaidums. Piec profesionāluos tuoļuokizgleiteibys programmys “Rūbežapsardze” apgiušonys pyrmuos i ūtruos muoceibu rūtys kadeti sajims kvalifikāceju Vaļsts rūbežsardzis inspektors i kaprāļa uzplečus.

Nu šudiņdīnys leidz 5. augustam Ludzys piļsātys 830 godu jubilejā nūtiks vairuoki kultūrys pasuokumi. Pyrmajai Ludzys piļsātys svātku dīnai dūts jaunīšu dīnys nūsaukums. Tradicionāli, pa vydu vysaidom sportiskom i natik sportiskom aktivitātem, nūteik arī bārnu i jaunīšu popgrupu festivāls “Saulis leits Latgalē”, kurais itūgod pulcynuos dalinīkus nu Daugavpils, Naujenes Cēsīm, Rēzeknes i Ludzys, bet piečuok popgrupu festivāla stafeti puorjims grupys “Device”, “Bez PVN” i “Tranzīts”, kas muzicēs da poša saulis lākta.

Šudiņ Daugavpili apmeklēs spīdveja “Grand Prix” sierejis direktors Ole Olsens, tiks puorrunuoti ar “Grand Prix” Latvejis pūsma, kas 25. augustā nūtiks Daugavpils stadiona “Lokomatīve”, reikuošonu saisteitī vaicuojumi. “Grand Prix” izcīņā Daugavpilī pīsadaleis 16 pasaulis spieceiguokī spīdvejisti, ituos sacenseibys tīšraidē tiks translātys vairuok nakai 35 pasaulis vaļstīs.