Večerinka Baļtinovā 2007
![](https://lpr.gov.lv/wp-content/uploads/2007/vecerinka-baltinova/792.jpg)
Izreiz juosoka – ir miļzeiga prīca, ka paguojušuos nedelis beiguos beja itik daudz latgalisku pasuokumu. Par dažim LaKuGa.LV jau stuosteja, par cytim vēļ īliks informaceji reit ci pareit (tai saceit – na vysu izreiz).
“Večerinka Baļtinovā” nūtyka 2.decembra vokorā vydsškolys lelajā zalā i sabrauce pulka ļaužu nu apleicīnis školom i nu Kruoslovys rajona Dagdys atbrauce školnīku komanda ar sovim školuotuojim i pat ar bazneicys prīsteri leidza.
Tyka ruodeitys komandu vizitkartis i beja sagataveiti vysaidi aizdavumi, vaicuojumi par Latgolu, par latgalīšu volūdu i par sabīdriski aktivajim cylvākim vysaidūs laikūs. Tyka pat izspālāta Krīvejis TV skateituojim labi zynamuo spēle “Breinumu Lauks” ar vuordu miniešonu pa burtim.
Vuordu sokūt, pasuokums izadeve breineigs – vysi dabova vysaidys duovonys i peirāgus; lobuokī doncuotuoji – duovonu kartis, a mes, kai gosti, tykom pi korsta čaja i kopejis, i gorda torta gobola!
Paļdis Baļtinovys vydškoļnīkim par profisionali nūorganizātū pasuokumu! Lai izadūd vysys lobuos idejis ari iz prīšku!
Pīduovojam puors fotošaļtenis (biļdis) nu pasuokuma: