Turpynoj veiduotīs jauni nūvodi
![](https://lpr.gov.lv/wp-content/uploads/2005/dezuratteli/79.jpg)
Daugavpilī dorbu suokuse SIA “Gādība” jaunuo betona ryupneica. Jaunuo ražūtne apreikuota ar Vuocejis uzjāmumā “Setter” taiseitajom betona ražuošonys īkuortom. Vīnā stuņdē ražūtne spēs izgotovuot leidz 30 kubikmetrim betona maisejuma. Jaunuo betona rypneicys izveide SIA “Gādība” izmoksuojuse apmāram 560 tyukstušys latu.
Šudiņ pl.19.30 Bierzgalē, Sv. Annys bazneicā, 4.starptautiskajā akardionistu nūmetnē uzastuos akardionisti Daniels Andersons (Zvīdreja) i Tonijs Ivonens (Sūmeja). Nūmetnē, taipat kai pārn, paradzātys pedagogu pīredzis apmainis diskusejis par akardiona apvuiceibys metodiku, koncertdarbeibys nūzeimi i organiziešonu, sadarbeibys īspiejom ar cytu kulturys nūzaru kolektivim, kai ari školu i meistarklašu prazentacejis, audziekņu i pedagogu koncerti.
Rēzeknis dūmis Kulturys, izgleiteibys, sporta, veseleibys, sociālū i dorba lītu komitejis sēdē šudiņ lems pa Latgolys Kulturviesturis muzeja atteisteibys strategiju. Nūzeimeiguo dokumenta izstruode saisteita ari ar Latgolys Kulturviesturis muzeja akreditaceju, kas nūteik itūvosor.
Iudiņsvoda i kanalizacejis teiklu uzlobuošonys laikā Rēzeknē, Krišjuoņa Valdemāra īlā, pūsmā starp Atbreivuošonys aleju i Dzelzceļnīku īlu, leidz reitdīnai byus slāgta satiksme.
Šudiņ Dagdā turpynojās piļsātys statusa pīķieršonys 15 godu jubilejis pasuokumi. Divuos stuņdēs Dagdys dūmē gūdynuos piļsātys čakluokūs dorba dereituojus, bet septeņūs vokorā Dagdys tautys nomā paradzāts spieļfilmys “Par tū narunoj” kinoseanss.