Tekstilmuokslinīku pleners Berkenelē
![](https://lpr.gov.lv/wp-content/uploads/2005/dezuratteli/79.jpg)
Da reita Jiekabpilī nūteik 49. Baltejis piļsātu savīneibys “Union of Baltic Cities” izpyldkomitejis siede. Pasuokumā paradzāta filmys par Jiekabpili prezentaceja i dorbs grupuos. Bez pasuokuma oficialuos dorba programmys tuos daleibnīki paredziejuš ari īsapazeit ar Krystpils pili, Jiekabpils Viesturis muzeja Breivdobys nūdali “Sēļu sēta” i galereju “Mans,s”. Iz pasuokumu īsaroduš 21 piļsātys puorstuovs nu Sūmejis, Pūlejis, Danejis, Norvegejis, Zvīdrejis, Vuocejis, Igaunejis i Latvejis.
Šudiņ Rēzeknis piļsātys dūmis zalā paradzāta leiguma paraksteišona storp Rēzeknis piļsātys dūmi i vīnu nu divom pretendentem iz stipendeju studejom Vuocejā – Oldenburgas, Vilhelmshāfenas i Emdenas augstškolā. Leiguma paraksteišonā daleibu jims Oldenburgas, Vilhelmshāfenas un Emdenas augstskolys viceprezidents, profesors Hanns Grutcners, kurais ar Rēzeknis Augstškolu sasadorboj jau vaira kai 10 godus, i kurais piec puorrunom ar obejom pretendentem nūsauks stipendiatis vuordu. Stipendejis pīšķieršona palykuse varama pasasokūt Rēzeknis Augstškolys lobajai sadarbeibai ar Vuocejis augstškolu, ar kurū eistynuota arī studentu apmainis programma.
16 Alūksnis i 19 Daugavpiļa rajona pošvaļdeibom, kas veiduos Alūksnis i Daugavpiļs nūvodus, pīšķierti 6,8 milj. latu. Regionaluos atteisteibys i pošvaļdeibu lītu ministrs Aigars Štokenbergs vakar paraksteja reikuojumus par finanšu leidzekļu pīšķieršonu nūvodus veidojūšom pošvaļdeibom.
Šudiņ Daugavpiļs Nūvodpietnīceibys i muokslys muzeja telpuos Lelbritanejis viestnīks Latvejā Ians Bonds apbalvuos školu projekta konkursa “Together” uzvarātuojus. Beigu pasuokumā ar prīkšnasumim uzastuos školāni nu sešom Latvejis školom, kas dabuojuš Lelbritanejis valdeibys finansiejumu īkļaujūšuos izgleiteibys projektim.
Šudiņ Daugavpils dūmis lelajā zalā Ministru kabineta reikuojuma izrokstus par uzjimšonu pilsūneibā naturalizacejis kuorteibā sajims 21 Daugavpils i pīci Daugavpils rajona īdzeivuotuoji. Svineigajā pasuokumā jaunajim pilsūnim i gostim byus arī īspieja īsapazeit ar Daugavpils atteisteibys perspektivu.
Rēzeknē šudiņ Latvejis Muokslys akademejis Latgolys filialē nūtiks izlaidums, kuramā akademiskuos bakalaura studeju programmys diplomdorbus muokslā sajims seši absolventi. Studejis nūteik četruos zamašknūzarēs – gleznīceibā, tektilmuokslā, tielnīceibā i grafikā.