Spūdreibys dīna Rēzeknī
![](https://lpr.gov.lv/wp-content/uploads/2005/dezuratteli/79.jpg)
Rēzeknis dūmis prīšksādātuojs Juris Guntis Vjakse tiksīs ar Aizsardzeibys ministru Ati Slakteri, kab runuotum par finansiejuma pīškieršonu stadiona byuvnīceibai Rēzeknē.
Latvejis pošvaļdeibu savīneiba reikoj konferenci “Eiropys vītejūs pošvaļdeibu harta i vītejūs i reģionālūs pošvaļdeibu turpmuokuos atteisteibys īspiejis”. Itamā konferencē daleibu jam Rēzeknis dūmis prīkšsādātuoja padūmneica Skaidreite Baltace.
Rēzeknē Sirds veseleibys kabinets, kū beja planuots atkluot pavasarī, dorbu suoks, vystycamuok, tikai septembrī. Itymā kabinetā puorsvorā tiks veikta profilaktiskuo darbreiba ar informacejis snīgšonu par sirds veseleibys profilaksi. Byus īspiejams veikt ari sirds stuovūkļa elementaru izmekliešonu, nūsokūt cukra i holesterina leimeni ašnī, kai ari izmierejūt ašņaspīdīni.
Rēzeknis Dūmis konferenču zalā Sabīdreibys integracejis fonds reikoj bezmoksys informativū seminaru par izsludynuotajim projektu konkursim NVO fonda i Projektu sagatavuošonys fonda grantu programmuos.
Reit Jākubpilī snīgs informaceju par 20. aprelī paradzātū konferenci Jākubpilī “Augstuokuos izgleiteibys i regionaluos atteisteibys mijsakareibys”.
Šudiņ Daugavpilī Muokslys dīnuos atkluos Daugavpils muokslys vydsškolys “Saulis škola” audziekņu dorbu izstuodi.
Reit Kruoslovys kulturys nomā nūtiks Kruoslovys rajona dramatiskūs kolektivu saīts “Bolts čapāslys ver odotā dīgu”. Ar īstudējumim saītā uzastuos Grāveru, Andzeļu, Varnaviču, Indrys, Skaistys, Dagdys, Konstantinovys, Svareņu i Kruoslovys tautys i kulturys nomu dramatiskī kolektivi.