SIA “Latvijas propāna gāze” suok pakuopeniskai atjaunūt gazis padevi Ludzā
Pluonūts suokt pakuopeniskai atjaunūt gāzis padevi Ludzas dzeivojamuos sātuos. Jau ziņūts, ka kūpš pyrmūdiņes, 3.septembra, “Latvijas propāna gāze” Ludzā puortraukusi gazis daguodi 26 dzeivojamuom sātom.Nu šudines pluonūts suokt pakuopeniskai atjaunūt gāzis padevi Ludzas dzeivojamuos sātuos. Jau ziņūts, ka kūpš pyrmūdiņes, 3.septembra, “Latvijas propāna gāze” Ludzā puortraukusi gazis daguodi 26 dzeivojamuom sātom. Vokor Ludzas dūme nūsyutejusi ministru prezidentam Aigaram Kalvītim i reģionaluos atteisteibas i pošvaldeibu lītu ministram Aigaram Štokenbergam viestuli ar lyugumu paleidzāt gazis padevis vaicuojuma risinuošonā.
Šudin plkst.11 Daugavpilī, Lauku konsultaceju biroja ustabuos, nūtiks seminars, kuramā mozī i vidiejī uzņiemeji i zemnīki tiks informāti par atbolsta īspiejom uzņiemejdarbeibas i lauksaiminīceibas atteisteibai. Seminara daleibnīki tiks informāti par īspiejom sajemt nūdūkļu atlaidis uzņiemējim, kas reģistrāti i dorbojas eipašai atbolstamajuos teritorijuos.
Jiekabpils dūme šudin paredziejuse lemt par Pūļu pamatškolas direktora īcelšonu.Dūmis izveidūtuo konkursa komiseja Jiekabpils Pūļu pamatškolas direktora omotam izvirzejusi Juriju Zamarajevu.
Šudin nu vīnpadsmitu da diveju Riezeknē, Latgolas īlā 18, Latvejas Zaļais punkts reikūs akceju “Mainām plastmasu pret audumu!”, kuras laikā dorbūsīs maiņis punkts, kuramā dzeivūtuoji varies apmaineit koč 100 gramus izlītūtu polietilēna kuļeišu pret vairuokkuort lītojamu auduma īpierkuma sumku ar Zaļuo punkta simboliku.
Šudiņ vīnpadsmitamā stuņdī Riezeknis dūmis lelajā zālī, dašķirūt 500 latu, pošvaldeiba apbolvūs riezeknīti Aleksandru Višņakovu, kas Pasauļs junioru čempionatā grīķu-rūmīšu ceiņā Pekinā izceineja bronzys medaļi.