Sanktpēterburgys viļcīņus remontēs Daugavpilī
AS “Daugavpils lokomotīvju remonta rūpnīca” varātum remontēt Sanktpēterburgys elektroviļcīņus. “Mes asom īceriejuš tyvuokajā laikā dybynuot kontaktus ar Daugavpiļs uzjāmumu, kab izvārtātu īspiejis itymā piļsātā remontēt myusu elektroviļcīņus,“sacie Sanktpēterburgys Uorejūs sakaru komitejis prīkšsadātuoja vītnīks Sergejs Markovs. Jau ziņuots, ka ituo goda pyrmajā pusgodā AS “Daugavpils lokomotīvju remonta rūpnīca” struoduojuse ar 230921 lata zaudiejumim.Šudiņ vīņpadsmit stuņdēs, Leivuonūs, tiks orgaņnizāts seminars ”Vaļsts atbolsta programmys 2007-2013 godam”.Seminara dorba kuorteibā paradzāts runuot par Vaļsts atbolsta programmom: ”Atbolsts īguļdiejumim attīsteibā īpaši atbolstamajuos teretorejuos”,”Atbolsts nūdorbynuotūs apvuiceibom”,”Augstys kvaļifikacejis darbiņīku pīsaisteišona”,”Daļeibu starptautiskos izstuodēs i tierznīceibys misejyuos”kai arī citys.
Firma “Alfor” ir atassacejus nu sovys īceris puorcelt spieļu zāli nu piļsātys centra, Mihoelsa īlys, iz centra nūmali, respektīvi 18. Novembra īlu, lai taidejaidai natraucātu Boltkrīvejis konsulāta dorbu. SIA “Alfor” ir lela firma azartspieļu biznesā ar 42 miljonu latu apgrūzejumu godā, nasakotūt iz lelajim nūdūkļim, kū firma kotru godu dūd pošvaļdeibys kasē, firma itūgod pošvaļdeibai zīduojus arī 5 tyukstužys latu.
Šudiņ, Bolvu rajona Škilbānu pogostā, Balkanu dobys parkā, nūsaslādz starptautiskais tielnīku i muokslinīku plenērs “Balkani 2007”. Plenērā pīsadalie Latgolys i Lītovys kūktielnīki i glaznuotuoji, kas itymā godā kūkā i audeklūs īmyužynuo Balkanu dobas parka apveitū teiku tālus. Diveju nedeļu laikā topušī dorbi tiks uzstuodeiti i arī paliks Balkanu dobys parka teritorejā, taidejaidai padorūt parku vēļ šmukuoku i veicynojūt tūrismu Šķilbānu pošvaļdeibys teritorejā.
