“Rīkšova” iz Igaunejis “Balticu”
Nu šudinis da 18.juļam Igaunejā nūtiks starptautiskais folklorys festivals “Baltica 2007”, iz kuru ir uzaicinuotys tikai divejis folklorys kūpys nu Latvejis, vīna nu tom ir Ņukšu pogosta folklorys kūpa “Rīkšova”. Kūpā ar Ņukšu folklorys kūpu “Rīkšova” iz Igauneju dūsīs Gunāra i Rasmys Igauņu saimis kapela nu Rēzeknis rajona.Šudiņ Latgolys lauksaimnīceibys zynuotnis centrā Viļānūs nūteik ikgadejuo “Lauku dīna puortikys graudu, rapšu audzātuojim”. Lauku dīnā zeminīkim i lauku uzjiemiejim byus īspieja iesapazeit ar laukaugu audziešonys tehnologiju pietiejumim. Pyrmo reizi suokts projekts par duorziņu – seipulu, kuopustu, burkuonu – audziešonys tehnologiju. Paredzāts demonstrēt ari jaunuokū lauksaimnīceibys tehniku.
Šudiņ Leivuonu nūvoda dūmē Kirgizejis parlamenta deputatu, Tīslītu i Finanšu ministreju, omotpersonu i pašvaldeibu asociacejis puorstuovji īsapazeis ar nūvoda dūmis strukturu, funkcejom i aizdavumim, paveiktajom aktivitatem, kai ari īnuokumu veiduošonuos mehanismim.
Projekts “Pasaulis sīna” tiks eistynuots Preiļu rajona Rudzātu pogosta Veclauduos. “Pasaulis sīnys” parkā iz 272 granita sīnom bius īgravāti 1% pasaules dzeivotuoju vuordi – tys ir 65 milionu cylvāku – dati. Kai prognozei projekta eistynuotuoji, rajons, kuramā tiks izbiuvāts parks, pīdzeivuos plašu turistu plyusmu.
Jākubpiļs dūme šodiņ lems par naudys bolvys pīšķieršonu Annai Skaidreitei Gaileitei par gruomotys “Dzirkstis nu dīvišķuos guņs” izdūšonu. Pi gruomotys saraksteišonys rakstneica ir struoduojuse vaira kai desmit godu. Gruomota ir vierteigs kultūrviesturisks pietiejums par nūvodnīkim.
