Riezeknis augstškola svin Rūzis svātkus
Šudin Riezeknis pylsātas Festivāla parkā nūtiks Zineibu dīnas svineibas, kuru laikā tiks nūskaidrūti Riezeknis augstškolas Rūzis i Bruņinīka titulu īgivieji.
Šudin Riezeknis pylsātas Festivāla parkā nūtiks Zineibu dīnas svineibas, kuru laikā tiks nūskaidrūti Riezeknis augstškolas Rūzis i Bruņinīka titulu īgivieji.Plkst.11 asūšī i tūpūšī studenti tiks gaideiti iz svineigū daļi, kuramā pīsadaleis augstškolas akadēmiskais personāls: rektors Leonārs Svarinskis, fakultašu dekani, pasnīdzieji, kai arī tī, kurī ir saisteiti ar studejom augstškolā – sadarbeibas partneri, pošvaldeibu puorstuovi i gosti. Sovukuort plkst.12 nūtiks tradicionalī Rūzis svātki, kuru laikā tiks nūskaidrūti Rūzis i Bruņinīka titula īgivieji nu pyrmuo kursa studentu vyda.
Šudin Daugavpilī, Vīneibas laukumā nūtiks Daugavpils Universitates organizātais lelais studentu pasuokums “Zināšanas rullē!”, kuruo mierķs ir motiviet jaunīšus izgleiteibai, paruodūt, ka vuicātīs i studiet ir myusdīneigai, kai arī popularizāt zinuotniska i izgleitojūša rakstura īspiejis. Nu plkst.12 – 15 nūtiks pasuokums školānim “1+2=?”, nūtiks bārnu i jaunīšu centra “Jaunība” pulceņu prezentaceja, radūšū kolektivu koncerts, kai arī dorbūsīs kaitu laukums. “Zināšanas rullē!” suoksīs plkst 17.30. Pasuokuma eipašī gosti – grupas “Dabasu Durovys”, “Labvēlīgais Tips” i dj Gatis.
Šudin, taipot kai cytvīt Latvejā, arī Preiļu rajonā Preiļu rajona Policejas puorvaldis darbinīki veiks patruliešonu školu tyvumā, taidā veidā nūdrūšinūt sabīdriskū kuorteibu i drūšeibu Zineibu dīnā. itaidas patruļis paradzātas vysu septembri. Natiks damiersti arī pasuokumi, kas velteiti Zineibu dīnai. Policeja pīsadaleis pasuokumūs, kas pulcies leluoku ci mozuoku jaunīšu i školānu skaitu. Pastiprinuota viereiba tiks daviersta vysaižom kafejneicom, kuramuos varātum pulcātīs napilngadeigas personas.
Jiekabpilī šudin kotrs školāns i jū pavodūšuo persona sabīdriskuo transporta pakolpojumus var izmontūt bez moksas.Jaunajā vuiceibu godā iz 32 vyspuorizgleitojūšajom školom Jiekabpilī i Jiekabpils rajonā dūsīs kaidas 7650 školānu, tymā skaitā kaidi 562 pyrmklasnīki.
