Rēzeknis nūvodu veiduos 24 pošvaļdeibys
![](https://lpr.gov.lv/wp-content/uploads/2005/dezuratteli/79.jpg)
Šudiņ i reit Daugavpils dūmis ustobuos nūtiks Latvejis dzymtsarokstu nūdaļu vadeituoju seminārs. Šudiņ Vaļsts rūbežsardzis puorstuovji informēs pasuokuma daleibnīkus par imigrācejis vaicuojumim i izmaiņom dokumentu nūformiešonā, bet puorstuovji nu Rēzeknis dzymtsarokstu nūdaļis daleisīs īspaidūs, kas dabuoti braucīnī pi kolēģim iz Īreju.
Šudiņ Daugavpils rajona Skrudalienas pogosta buoreņtīsa plānoj lemt par vakar gunsgrākā būjā guojušuos treis mienešus vacuos meitineitis muotis vacuoku tīseibom. Jau ziņuojem, ka vakar Daugavpils rajona Skrudalienas pogasta Silenē gunsgrākā dabuotu apdagumu i deļ sazaindiešonuos ar dyumim būjā guoje kaida bez vacuoku uzraudzeibys atstuota treis mienešus vaca meitineite. Pusūtru, treis i četrus godus vacī meitineitis pusbruoļi gunsgrākā sazaindē ar dyumim.
Šudiņ Latgalis apgoboltīsa plānoj skateit krimināllītu, kuramā četri veirīši teik apsyudzāti kruopšonā, kontabandā i nūzīdzeigai dabuotu leidzekļu legaliziešonā.
Vakar Rēzeknis jaunīšu centrā “Jacis” nūtykušajā diskusejā par Pylsūņa dīnys atzeimiešonu Latvejā jaunīši nanūlīdze ituos dīnys napīcīšameibu , tūmār jī atzyna, ka tuos nūzeimeiba byus atkareiga nu nūrisis satura i aktivitātem.
Paguojušajā dīnnaktī pasalelynuojus kravys automašynu rynda iz Latvejis i Krīvejis rūbežys Terehovys i Grebņevys rūbežkontrolis punktūs. Terehovys rūbežkontrolis punktā itūreit izbraukšonu nu vaļsts gaideja 870 kravys automašinis, kas ir par 330 automašinemvairuok nakai vakar, sovukuort Grebņevā izbraukšonu nu vaļsts šūreit gaideja 420 kravys mašinis.