Rēzeknī ceļs jaunu sabīdriskū tualetu
Šudin laikā nu 13:00 da 14:00 Leivuonu svātuo Mikeļa Erceņģeļa Rūmys katuoļu bazneicā ticeigajim byus īspieja stuņdi lyugtīs i gūdynuot svātuos Terēzis relikvejis.
Reit, Daugavpilī, vīsneicys “Dinaburga” konferenču zalā, nūtiks konference “Cilvākresursi Austrumlatgolys dorba tiergā”, Konferencē tiks prezentāti pietejuma rezuļtati.
Jiekabpilī itūvosor īdūmuots veikt Daugovys kreisuo krosta aizsargdamba rekonstrukcejis pyrmū kuortu. Aizsargdambī rodušuos vairuokys syucis, i cyta goda plyudus tys naizturies. Kai saceja, Jiekabpils dūmis prīkšsiedietuojs Leonids Salcevičs, remontdorbus nadreikst atlikt da solu izīšonai, deļtuo itūvosar par valdeibys pīšķiertajim leidzeklim planuots veikt pošus naatlīkamuokūs dorbus – “aizluopeit” syucis.
Beidzamajā dīnnaktī kravys mašynu ryndys iz Latvejis i Krīvejis rūbežys byutiski nav saaamozynuojuš. Itūreit Terehovys rūbežkontrolis punktā ryndā gaida 890 smoguos mašynys, bet Grebņevā izbraukšonu nu valsts gaida 420 kravys mašynys.
Jiekabpils dūmis budžetā atvālātys 5 tyukstūšys latu, par kurim īdūmuots īpierkt pīna automatus ci ari nūdrūšynuot, ka pyrmū treis klašu audziekņu apguodi ar pīnu veic izgleiteibys īstuodēs struodojušī ādynuošonys uzjāmumi. Ja tiks nūlamts par lobu pīna automatu īguodei, Jiekabpils 2., 3. vidusškolā i Pūļu pamatškolā tiks uzstuodeiti kotrā pa divejim automatim, bet Jiekabpils pamatškolā – četrys īkuortys.
Šudin Amerikys latvīšu apvīneibys jaunīši projekta “Heritage Latvia” gaitā apmeklies Ilziskolna pamatškolu, kuramā jaunīši īsapazeis ar pamatškolys školānim, i vysi kūpā dūsīs iz Maijas i Pītera Gailuma sātu – keramikys darbneicu. Dīnys programmā paradzāta folklorys stuņde, kurys laikā vītiejī bārni dzīduos i dzyguos, kai ari censīs īvuiceit latvīšu folklorys dzīsmes i dzygys sovim gostim. Vāluok paradzāta ekskurseja pi pogosta uzjiemiejim, kab Amerikys jaunīši īsapazeitu, ar kū nūsadorboj Latgolys lauku dzeivuotuoji.
Regulāra C vitamina uzjimšona leluokū dali cylvāku napasorgoj nu puorsaļšonys, kai ari napauotrynoj izaveseļuošonu, tai līcynoj Australejis i Sūmejis zynuotnīku veikts pietejums. Cylvākim, kas pietejumā lītova C vitaminu, beja nūvāruota druksu vuojuoka i eislaiceiguoka puorsaļšona, tak itys īspaids ir tik nīceigs, ka tuo kliniskais nūzeimeigums izsauc šuorbys.. Tai ka leluokajai daļai cylvāku ir pilneigai bez jāgys kotru dīnu uzjemt C vitaminu, kab samozynuotum puorsaļšonys risku.
Laika prognozs šudinei Latgolā Daleji muokūņains laiks. Puorsvorā bez nūkrišnim. Dīnvidrītumu, rītumu viejš 4-9 metri sekuņdī. Maksimaluo gaisa temperatura dīnā +23…+25º.