“Rēzeknes enerģija” planoj dasliegt apkuri vysā piļsātā
Jaunizveidūtuo Riezeknis pošvaldeibas kapitalsabīdreiba SIA “Rēzeknes enerģija” planovuujse nu šudinis suokt dasliegt apkuri īstuodem i dzeivojamajom sātom vysā piļsātā. Sastdiņ, 13.oktobrī, Riezeknis pošvaldeibas energetiskuos krizis centra paplašinuotajā saīšonā tyka nūlamts, ka syltumapguodi Riezeknē tuoļuok nūdrūšynuos “Rēzeknes enerģija”.Caturtdiņ 18.oktobrī, plkst.14 Riezeknis rajona padūmē nūtiks diskuseja “Eirodzīve – kāpēc?”, kuramā aicinuoti dasadaleit Riezeknis pylsātys i rajona školāni.Diskusejas vadeituojs profesors Igors Šuvajevs atkluoj, ka itū sarunu mierķs ir nūskaidrot, kas ir eirodzeive i voi myusu dzeivisveids atbilst eirodzeivis principim.
Riezeknē, Valsts rūbežsardzis koledžas Sporta vuiceibu centrā, 24.oktobrī nūtiks Valsts rūbežsardzis 2007.goda spartakiadis sacenseibas šaušonā.Sacenseibuos dasadaleis Valsts rūbežsardzis koledžas , Valsts rūbežsardzis Golvenuos puorvaldis, Valmīras, Viļakas, Ludzas, Daugavpils, Jelgovas, Līpuojas, Ventspils i Reigas teritorialū puorvalžu izlasis.
Itamā reitā iz Latvejas i Krīvejas rūbežas Terehovas rūbežkontrolis punktā ryndā gaideja 980 krovys mašinas, bet Grebņevas rūbežkontrolis punktā – 630 smogū spākrotu. Dīnnakts laikā ryndys nadaudzi sarukuš – Terehovas rūbežkontrolis punktā vokor nu reita izbraukšonu nu valsts gaideja 1000 transportleidzekļu, bet Grebņevā – 605 krovys mašinas.