Regiona golvonuo biblioteka Daugavpilī

Latgolys Centralajai biblotekai pīškierts regiona golvonuos bibliotekys atatuss. Regiona golvonuos bibliotekys statuss nūdrūšynuos Latgolys Centralajai bibliotekai īspieju pretendēt iz vaļsts finansiejumu mierķdotaceju veidā, palelynuos Daugavpiļs biblioteku konkurietspieju vaļsts mārūga projektu konkursūs.

Aizvadeitajā nedeļā Daugavpilī i Daugavpiļa rajonā saslimsteiba ar gripu sasamozynuojuse apmāram divejis ar pusi reizis. Daugavpilī iz 100 000 īdzeivuotuoju paguojušajā nedeļā registrāti 579, bet Daugavpiļa rajonā – 236 salimšonys gadejumi.

AS “Ditton pīvadķiežu ryupneica” neto apgrūzejums paguojušajā godā sasnīdzs 9,183 milj. latu, līcynoj uzjāmuma narevidātais puorskots Reigys Fondu biržā. Neto apgrūzejums pārn prognozāts ostoņu milj. latu apjūmā. Saleidzinojūt ar īprīškejū godu, neto apgrūzejums ir par 1,183 milj. latu leluoks.

Šudiņ Daugavpilī nūtiks seminari “Socialais dialogs – īguvums vysim”. Projekta mierkis ir informēt par socialuo dialoga nūzeimi dorba aizsardzeibys pasuokumu eistynuošonā i par tuo īvīsšonys veidim, lai nūdrūšynuotum uzjāmuma atteisteibu.

Naktī iz 4. martu Ludzys rajona Salnovā nu kaidys privatsātys klāva nūzogta syvānmuote. Sātys saiminīki naktī asūt bejuš sātā. Materiālais zaudiejums apriekinuots apmāram 140 latu vierteibā. Par itū lītu suokts kriminalprocess.

Jaunuokuos zinis klausotēs Latgolys Radejā!