Preiļūs vuica energopuorvaldnīkus, Ludzā pīškir pabolstus…
Šudiņ Preiļūs suokas SIA “Preiļu saimnieks” i VA “Mājokļu aģentūra” organizātuos vuiceibas nomu energopuorvaldnīkim. Kursu programma paradzāta 54 stunžu apjūmā. Kursu pabeigšonas sertifikats dūs īspieji dzeivūtuojim veikt sātu puorvaldeišonu, kai arī īspieji struoduot komunalū pakalpojumu sferā.
Nu šudiņes da 9.novembram Ludzas pylsātā dzeivojušuos politiski represātuos personas Ludzas dūmē, uzruodūt pasi, var sajemt pabolstu. Ludzas dūme īprīšk nūlieme dašķiert pabolstu 10 latu apmārā saisteibā ar Latvejas Republikys proklamiešonys dīnu tuom politiski represātuom personom, kuruos ir deklariejušys sovu dzeivisvītu Ludzas pylsātā.
Šudiņ Latgolas pluonūšonas reģiona (LPR) atteisteibas padūmis siedī pluonūts puorrunuot zemnīkim svareigūs vaicuojumus par Lauku atteisteibas plana finansiejuma sadalejumu storp reģionim lauku saimnīceibu modernizacejai.
