Pošvaļdeibys stipendejis studentim
Rēzeknis dūme izsludynuojuse konkursu pašvaļdeibys stipendeju pīšķieršonai. Atbolstomuos specialitatis ir uorsts, byuvinžiners, i pedagogs ar specializaceju eksaktuos i svešvolūdu zineibuos. Stipendejis apmārs ir nu 75% da 100% nu vaļsī nūsaceituos minimaluos mieneša dorba olgys.Šudiņ Daugavpilī turpynojās starptautiskuo konference “Latveja – tylts storp Eiropys Savīneibu un Naatkareigū Vaļstu Savīneibu. Izjiemiejdarbeibys perspektīvys Latgolā”. Konferencis uorvolstu gostim šudiņ byus īspieja īsapazeit ar Daugavpili i piļsātys izjāmumim, apmeklēt Rēzekni, tuos Specialū ekonomiskū zonu i cytus uzjāmumus, kai ari pīsadaleit opoluo golda diskusejā.
Rēzeknis rajona oficialuo delegaceja i Kaunatys folklorys kūpa “Ruoznaveņa ” šudiņ dūsīs iz Kupišķim Lītovā, kab pīsadaleitu tautys muokslys svātkūs. Itys pasuokums nūteik ik piec divejim godim. Itūgod Kupišķu piļsātys tradicionalī tautys muokslys svātki nūtiks leidz 1.juļam.
Šudiņ nūteik Latgolys regiona seminars “Navaļstiskūs organizaceju īspiejis i rysynuojumi”. Dīnys kuorteibā paradzāti vaicuojumi par Latgolys regiona navaļstiskūs organizaceju resursu centru, finansiejuma pīsaisti navaļstiskajom organizacejom, sadarbeibys teiklu veiduošonu, partneru mekliešonu, aktualitatem navaļstiskūs organizaceju gruomotvedeibā i īspiejom jaunīšim programmā JAUNATNE.
Šudiņ – Pīterdīnā – jau trešū godu piec kuortys Rēzeknis rajona Rogovkā Nautrānu pogasta padūme reikoj pasuokumu “Pīterdīna Rogovkā” dzejnīka Pītera Jurciņa pīmiņai. Pyrms trejim godim, martā, rogovkītis Pīters Jurciņš myra i tyka apbedeits Nautrānu pogasta Desentnīku kopūs. Tuo poša goda Pīterdīnā jam tyka reikuots pyrmais atceris pasuokums.
