Pīcūs Riezeknis rajona pogostūs izstuodeis basketbola grūzus
Riezeknis rajona padūme ir nūslāgusi leigumu ar SIA “Rantzows sport” par basketbola grūzu īguodi Kantinīku, Strūžanu, Feimaņu, Silmolys i Kaunatas pogostim.Saskaņī ar leigumu grūzi tiks daguoduoti i izstuodeiti da 30.augustam.Grūzu īguode teik veikta saskaņī ar Bārnu i saimis lītu ministrejas atbalsteitū projektu par basketbola grūzu izstuodeišonu pošvaldeibuos.Pylns strītbola komplekts tiks daguoduots Kantinīku, Silmolys i Kaunatas pogostim i izstuodeits pogosta centrā, kur byus breivi daejams dzeivūtuojim.Šudin Daugavpils Universitatē – ikgadejuo izgleiteibas darbinīku konference, kuras tema itugod ir “Dialogs un saskaņota rīcība izglītībā”. Iz tikšonūs i diskuseju ar Daugavpils pedagogim aicinuota izgleiteibas i zinuotnis ministre Baiba Rivža i ministrejas speciālisti.
Nu šudiņes da 24.augustam Leivuonūs, Latgolas i muokslas omotnīceibas centrā, sadarbeibā ar valsts aģentūru “Tautas mākslas centrs” nūzarisinuosīs Valsts Kultūrkapitāla fonda atbalsteitais projekts “Aušanas nometne 2007”, kuramā pīsadaleis audiejas nu vysas Latvejas.
Reit Ludzas rajona padūmis prīšksiedietuojs Juris Dombrovskis dūsīs iz Reigu, kab tiktūs ar satiksmis ministru Aināru Šleseru i īsnīgtu īrūsinojumus problemas risinuošonai iz Latvejas i Krīvejas rūbežas i pīrūbežas ceļim. Kai atzeist Dombrovskis, Ludzas rajonam i pošvaldeibai ir juozaceina tik ar ituos problemas sakom, kas dīvam žāļ situāceju naatrisinoj, koč gon, kab ceineitūs ar tuom, teik īguldeits daudzi leidzekļu i resursu.
Beidzamajā dīnnaktī sazamazinuojuš krovas mašinu ryndas iz Latvejas i Krīvejas rūbežas Terehovas i Grebņevas rūbežkontroļis punktūs. Itamā reitā Terehovā izbraukšonu nu valsts gaideja 1020 krovas mašinas, kas ir par 257 mašinom mozuok nakai vokor reitā. Sovukuort Grebņevas rūbežkontroļis punktā gaideja 305 krovas mašinas, kas ir par 85 mašinom mozuok nakai vokor.
