Pīci čiuli mani vede
Vasali! Šudiņ muns dorba kolega maņ pavaicova tekstu dzīsmei “Apleik kolnam ar leikumu” – tautā varbyut lobuok zynoma kai “Pīci čiuli mani vede”. Atrodu nazkū drusku internetā i vēļ dalyku tūs panteņus, kū pats zynovu. Varbyut kaids zyna ari cytus panteņus itai dzīsmei, tod komentaru sadalī darokstit! Jureits.Apleik kolnam ar leikumu
Apleik kolnam ar leikumu /3x
Tautu dalu (meitu) pavadiej.
P. Rai, rai, rai ritam /2x
Rai rai rallala
Tautu meitu pavadej.
Lai naredzie sveši ļauds, /3x
Lai naciele volūdenis.
P. Rai, rai, rai ritam /2x
Rai ridi rallala,
Lai naciela voludenis.
Tu redzeja Apaleite
Vysam cīmam izpļuopova
Navar bite madu nest
Nu ūzula lapeņom.
Navar mote man aizlīgt
Tautu dālu (meitu) pavadiet.
Jiurys putni gaisā skrieja
Tī pa puorim puorovuos.
Tai byus vysim jaunim ļaudim
Pa puorim i puoruotīs.
Pīci čiuli mani vede
Aiz kaļneņa meizynuot.
Voi tī čiuli troki beja,
Kai es meizšu nadzāruse.
Īļai olu, brandaveinu, (dūdit manim šņabi, olu – variants)
Meizšu kuojis krateidama.
Kod es beju jauna meita
Stuovus meizu pudelē
Kod palyku vaca graiza,
Natruopieju kubulā
Pīci čiuli mani šuove
Ar pīcom pištuoļom
Zyli dyumi nūkiupēja
Zam tuo muna prīkšauteņa
Vysu dīnu sīnu gruobu
Nūsagrīze prīkšauteņš
Byus redzēti vokorā
Kas tū taišni pastateis
Kaimiņ’ Pīters pastateja
Kai stateit(i) īstateja
Nūbeigumam var itaidu:
Apleik kolnam ar leikumu
Tautu dālu (meitu) pavadeju
Lai naredzie cīma ļauds
Kai as ju (i) sabučov’
Ka zyna kaids vēļ kaidu panteni, tod tik rokstit kluotyn!
