Pensejis vacums par pusgodu iz prīšku
Nu juļa par pusgodu pīaudzs pensioniešonuos vacums sīvītem – iz prīšku tī bus 61,5 godi. Veirīšu pensejis vacums nu 2003. goda 1. janvara ir namaineigs – 62 godi. Nuokamuo goda 1.julī, kod otkon pensioniešonuos vacums sīvītem tiks paaugstynuots par pusgodu, vaļstī obejim dzymumim pensioniešonuos vacums byus vīnaids.Šudiņ Bolvu rajona Škilbānu pogosta Upeitē atvērs stabuļu i solmu capuru taiseišonys meistardarbneicys. Meistardarbneicys atkluos parkā aiz Upeitis pamatškolys. Pasuokumu atkluos dzejnīks Ontons Slišāns i Upeitis pamatškolys bārnu folklorys kūpa ar spieļudzygu “Pynu, pynu sītu…”, kurai pīsavīnuosīs Upeitis jaunīšu folklorys kūpa “Upeite” i Rekovys folklorys kūpys dalinīki. Sešūs vokorā tiks gūdynuoti meistardarbneicu vadeituoji i aktivuokī daleibnīki.
Balvūs suokušīs Azara īlys 24, 26 i 28 dzeivūkļu īškejūs pogolmu celeņu remonti, kas turpynuosīs leidz 20.juļam. Īskaitūt itū i nuokušūs divejus godus divejom sātom byus juomoksoj 2 Ls nu kotra dzievūkļa mienesī, bet vīnai sātai – 5 Ls, jū tai uzlykts jauns jumts. Sātu īdzeivuotuoji navīnnūzeimeigai viertej jaunumu.
Rēzeknis nakts patversme remonta laikā nu šudiņdīnys da 22.juļam puortrauks īmeitnīku izmytynuošonu naktīs. Itymā laikā patversme sovu darbeibu napuortrauks. Jūprūjom byus īmeitnīku ādynuošona divejis reizis dīnā – nu reita i vokorā. Cylvāki, kas apmeklēs naktspatversmi, varēs arī nūsamozguot.
Kai līcynoj beidzamī Rēzeknis mauduošonuos iudiņa lobuma puorbaudis rezultati, Rēzeknis upē Jupatovkys īlys rajonā iudiņa mikrobiologiskī ruodeituoji naatbiļst standartim, deļ to mauduotīs upē nav īsokams.
