“Pasaulis sīnu” ceļs Latgolā

Īcarātū “Pasaulis sīnys” parku planuots veiduot Latgolā. Projekta vadeituojs pagaidom nagribie atbiļdēt iz vaicuojumu, voi parks atsarass Preiļu rajonā. Izzynuot precizu parka planuotū atsarasšonuos vītu, kai arī īsapazeit ar izvālātū zemis gobolu i turpmuokajim projekta atteisteibys etapim varies presis konferencē, kas nūtiks trešdiņ, 11.julī, Preiļu rajona padūmē.

Vuiceibu nūlyukūs Latvejā vīsuosīs omotpersonys nu Kirgizstanys. Caturtdiņ, 12.julī, Kirgizstanys delegacejai vuiceibys nūtiks Leivuonu nūvoda dūmē, kur paradzāta īsapazeišona ar nūvoda dūmis strukturu, funkcejom i aizdavumim, paveiktajom aktivitatem, ar īnuokumu veiduošonuos mehanismim.

Daugavpiļs tīsa šudiņ turpynuos izskateit kriminallītu par guņsgrāka izraiseišonu beistamūs atkrytumu izguoztuvē. Jau ziņuots, ka lītu iz vāluoku laiku nuocīs puorceļt tīsneša slimeibys dieļ. Aizdūmuos par pārn majā izguoztuvē izraiseitū guņsgrāku tur kaidu 1981.godā dzymušu veirīti. Jis paskaidrovs, ka naktī izguoztuvē mekliejs gumeju rotu remontam. Lai aplyukuotu izguoztuvi, jis dadzynovs sārkūceņus.

Bolvu dūme nu 15.juļa leidz 15.augustam izsludynuos publiskū apsprīšonu par zemisgobola Stacejis i Krosta īlys krustuojumā izmontuošonys īceri. Īdzeivuotuoju vīdūklis tiks praseits par vaicuojumu – voi zemisgobolu Bolvūs, Stacejis i Krosta īlys krustuojumā, nuokūtnē atstuot kai zaļū zonu voi apbiuvēt.