Naporosta cyrka saime

Šudiņ i reit ar izruodem “Piec leita…” Daugavpils cītūksnī gastej ceļojūšuo cyrka kompaneja nu Francejis piļsātys Marselis. Izruode “Piec leita…” ir ospruoteigs stuosts par dzeivi cyrka vagoneņūs. Virtuozys i franciskys muzykys pavadejumā žongleri gatavej vakarenis, jaunuo mameņa dzygoj iz viervis, meitenis aizmīg kuojom gaisā, bet puiši kai šautrys kreit nu dabasim. Pusūtras stuņdes laikā teik uzburta atmosfera, kas skateituojim i muokslinīkim ļaun justīs kai naporostai saimei.

Šudin Rēzeknē, Nacionalūs bīdreibu kulturas nomā, nūsarisinuos IX piļsātys pyrmškolys izgleiteibys īstuožu bārnu teatru festivals “Bērnu spēles prieks”. Itugod festivalā pīsadola 11 bārnuduorzu audziekni. Pasuokuma tematiskuo īvirze itugod ir “Vasalā mīsā vasals gors”.

Straujai tyvojūtīs eksamenu laikam, interneta portalūs i forumūs aktualiziejusēs 12.klašu eksamenu aizdavumu tiernīdzeiba. Tai interneta portalūs īlykti sludynuojumi, kurūs izsaceita gryba par attīceigu samoksu dabuot vysaidus eksamenu aizdavumus. Puorsvorā par eksamenu aizdavumu kopejom teik aizpraseiti nu 100 da 300 latu.