Bez tēmas 

Muzykys Skrytuļs 2007 izadeve


Festivala organizatori ir pateiceigi vysim pasukuma dalinīkim i skateituojim, atbaļsteituojim i lobu vieliejumu saceituojim. Itūgod Leiksnā sabrauce ap 3000 cylvāku, kas kliust par “Muzykys Skrytuļa” rekordleluokū apmekliejuma sasnīgumu.

Jaunuos latgalīšu muzykys festivals „Muzykys Skrytuļs” nūtyka jau trešu godu un ir klivs par leluokū latgalīšu muzykys festivalu iz pasauļa. Ari itymā godā pīsadaleja gon jauni, gon atpazeistameibu īgivuši spylgtuokī Latgolys muzykanti, kuri dažaidūs žanrūs izpiļdeja jaunys dzīsmis latgaliski. „Muzykys Skrytuļs” ar apakšnūsaukumu „Kruot var na tikai naudu” nav komercials pasuokums, deļ tuo vysim daleiba un īeja tyka nūdrūšynuota bez sevkaidys samoksys.

Festivala programmā diveji breivdobys koncerty. Piecpusdīnē plkst.16:00 suocēs vokora koncerts. Piec tam plkst.20:00 uzastuošonys suoce nakts koncerta grupys. Tik ap 2:00 naktī beidzēs “dzeivuos” muzykys koncerts, kas turpynovās ar doncuošonu Latgolys Radejis ritmūs. 4:00 nu reita nuocēs lyugt ļauds dūtīs pi mīra, deļ tuo ka beja vēļ juopaspiej sakuortuot apleicīni i nūjimt aparaturu… Tak vysleidz “Muzykys Skrytuļs” jau trešu godu pīruodeja, ka ir gotovs izturēt ļaužu uzmaneibu 12 stuņžu garumā nu vītys!

Itūgod pīsadaleja: „Bez PVN”, „Dabasu Durovys”, „Laimas Muzykanti”, „Green Novice”, „AoZ Project”, „Weron Martin”, „Sindroms”, „Rudens stīgas”, Inga un Normunds, „Likteneigais pagrīzīņs uz Vainovu”, Vinsents Kūkojs, „Inlay”, „Je-bazz”, „D-Light”, „Maiznieki”, „Inde Indive”, Elīza un Kristiāns, “Dyrbyni”, „Meiteņu grupa”, „Buca”, „Cielaviņa”, „DemY-eR”, folklorys kūpys “Saivenis” i “Vīšnis”, sīvīšu vok.ans.”Dziedi līdzi”, „Alverna”, „Ieklausies” un “4-you & Sound Forces”.

Uzastuošonys laikā kotrs daleibnīks vysmoz divejis dzīsmis izpiļdeja latgaliski. Pasuokuma laikā prezentieja jaunuokūs latgalīšu muzkykys kompaktdisku i jaunū projektu „Latgalīšu kulturys gazeta” (Lakuga.LV). Ļauds lykt teltis i kurynova guņkurus, spielie volejbolu, kaids ari izamaudova i vysi kūpeigi breineigi atsapyute… Leiksnys pogosts ir vīna nu skaistuokajom vītom vysā Latgolā – sakuortuota vide, sakūpts parks, skaista bazneica, natuoļ Daugava i apleik pylns ar lobim ļaudiim…

Itūgod festivalu “Muzykys Skrytuļs” papyldynova jauns muokslys projekts paruodūt Latgolys regionu muokslinīciskā, vizualā i fotografejis retrospekcijā – “Muokslys Skrytuļs 2007”. Izstuode apvīnova Latgolys muokslinīkus, kuri izsaceja dūmys par Latgolys regiona kulturu sovūs muokslys dorbūs. Muokslinīki: Mihails Ščepanskis (Daugavpiļs, Moskova), Gaļina Gruziņa (Bolvi), Laima Rēriha (Rēzekne), Kristīne Klodāne (Neicgaļs, Reiga), Guna Simanoviča (Neicgaļs, Daugavpiļs), Jurika Bakāne (Rēzekne).

Fesivala „Muzykys Skrytuļs” reikuotuoji:

  • Daugavpiļs rajona Leiksnys pogosta padūme
  • Latgolys Studentu centrs.

Finansiali festivalu atbalsteja:

  • Latgolys regiona atteisteibys agentura,
  • Kulturkapitala fonds,
  • Daugavpiļs rajona padūmis Tautys izgleiteibys i kulturys centrs,
  • Juris Vingris,
  • Daugavpiļs Universitate,
  • Rēzeknis Augstškola,
  • Latvejis Universitatis Latgolys filiale
  • a/s „Hansabanka”.

Informativi atbalsteja:

  • „Privātā Dzīve”,
  • „Ieva”,
  • „Latgales Laiks”,
  • „Vietējā Latgales Avīze”,
  • „Lietišķā Latgale”,
  • „Katōļu Dzeive”,
  • Latgale.LV,
  • Studentnet.lv,
  • hc.lv,
  • munidraugi.lv
  • LaKuGa.LV.

„Muzykys Skrytuļa” oficialuo radeja – Latgolys Radeja.

Vairuok informacejis par festivalu „Muzykys Skrytuļs”:

  • Latgolys Studentu centrs, Jurs Viļums, tel.26393531, e-posts: jureits@latgale.lv,
  • Festivala dalinīku koordinatore – Anna Briška, tel.29108392, e-posts:, annika.b@inbox.lv,