Ministrs Latgolā
Rēzeknis augstškolā da reitam nūteik starptautiskuo zynuotniskuo konference “Etniskums Eiropā: socialpolitiskī i kulturys procesi”, kas veļteita 90 godu atcerei kūpš Rēzeknē nūtics viesturiskais Latgolys apvīnuošonuos kongress. Tū organizej Rēzeknis augstškolas Filologejas katedra, Vītauta Dižuo universitate, Adama Mickeviča universitate i Milanys universitatis Lingvistikys centrs. Konferencis laikā Rēzeknis augstškolys Informacejis tehnologiju centrā apsaverama arī Jura Cybuļa latgalīšu lementaru kolekceja.
Šudin Preiļu Golvonajā bibliotekā turpynojās Latvejis zynuotniskūs, specialūs i publiskūs biblioteku direktoru 2007.goda pavasara diveju dīnu sanuoksme. Sanuoksmē paradzāts skateit vaicuojumus par biblioteku pakolpuojumu transformaceju i biblioteku nūzaris elektroniskū informaceji – pīklivis īspiejom i barjerom. Sanuoksme nūsaslēgs ar diskuseju forumu par biblioteku kruojumim i bibliotekāru akreditacejis viuceibom.
Šudin Valsts rūbežsardzis koledžā Rēzeknē turpynojās ūtruo starptautiskuo pietnieciskuo konference “Baltejis valstu i Pūlejis Rūbežsardzis vuiceibu īstuožu viesturis izpiete i atteisteibys perspektivys”, kuramā pīsadola puorstuovi nu Lītovys, Igaunejis, Pūlejis, Moldovys, Boltkrivejis rūbežsargu izgleiteibys īstuodem, kai ari nu Valsts rūbežsardzis, Latvejis Policejis akademejis i Valsts rūbežsardzis koledžys.
Šudiņ pl.12:00 atkluota jaunuo Ludzys rajona tīsys telpys. Atkluošonys pasuokumā pīsadola Tīsu administracejis direktors Gints Karlsons i Tīslītu ministrejis vaļsts sekretara vītnīks Jānis Bērziņs, kai arī puorstuovji nu Ludzys piļsātys dūmis, Ludzys rajona padūmis zemisgruomotu nūdalis, prokuraturys i policejis. Āka, kuramā agruok atsaroda vīsneica, itūgod suokumā ir piļneibā rekonstrurāta i pīlāguota tīsys i cytu īstuožu vajadzeibom.
Rēzeknē gastej Taipejis misejis Latvejā. Šudiņ paradzāta tikšonuos ar dūmis prīkšsādātuoju, kai ari daleiba poliklinikys lifta atkluošonā 11 stuņdēs. Taipejis miseja pārn lifta uzstuodeišonai pīškira 40 tyukstušys dolaru.
Šudiņ Starptautiskuos bārnu tīseibu aizsardzeibys dīnys pasuokumu ītvora Daugavpilī, bārnim nu socialuo riska saimem tiks viuceiti drūšeibys pamati iz iudiņa, Latvejis Sorkonuo krysta specialisti bārnunoma īmeitnīkim šudiņ vuiceis snīgt pyrmū paleidzeibu.
Šudiņ Slavu kulturys nedeļā Daugavpilī, Krīvu nomā, suocās starptautiska zynotniskuo konference “Kirila un Mefodija lasījumi”, divuos stuņdēs Kalistratova nomā šudiņ tiks atkluots Puškina literarais salons, bet sešūs Daugavpiļs teatrī suoksīs krīvu dzejis i romanču vokors.
