Ministrs dūdās dorba vizitē iz Bolvim
Šudiņ (21.06.2007.) satiksmis ministrs Ainārs Šlesers dūsīs dorba vizitē iz Bolvim i Alūksni, kab puorrunuotu vaļsts i pošvaļdeibys ceļu atteisteibys perspektivys. Vizitis laikā Šlesers tiksīs ar piļsātu i rajonu pošvaļdeibu vadeituojim, kai ari tūpūšuo Viļakys nūvoda vadeituojim.Šudiņ Daugavpilī vīsneicā “Park Hotel Latgola” ar mierki uzrunuot i tyvuok īsapazeit ar Latvejis regiona uzjiemiejim nūtiks tikšonuos ar Latvejis uorejū ekonomiskū puorstuovnīceibu vadeituojim i Latvejis Republikys viestnīceibu ekonomiskajim diplomatim.
Latgolys apgoboltīsa šudiņ skateis īprīšk vairuokkuort atlyktū kriminallītu par 9. Saeimys vieliešonu biletenu vyltuošonu Bolvu rajona Kubulu pogostā, kurā vīns nu apsyudzātajim ir ari bejušais pogosta prīkšsādātuojs i 9. Saeimys deputats Juris Boldāns.
Šudiņ Kruoslovys rajona padūmis telpuos 11 īdzeivuotuoji sajims Ministru kabineta reikuojuma izrokstus par uzjimšonu pilsūneibā. Vacuokajam jaunpilsūņam Eduardam Ižikam ir 70 godi.
Nu 18. juņa da 2. juļa ikgadejuos profilaktiskuos siltumteiklu hidrauliskuos puorbaudis laikā Rēzeknis piļsātys centralajā daļā puortraukta korstuo iudiņa pīguode, Rēzeknis piļsātys zīmeļu rajonā korstuo iudiņa nabyus nu 16. da 31. juļam.
Rēzeknē, Raiņa parkā, skeitborda laukamā Jaunīšu atvārtais centrs “JACis”organizej starptautiskū skeitborda dīnu Rēzeknē, pasuokumā daleibu jam “Breakdance JAM” uzastuošona, komandu stafete, viktorīna par skeitbordu, Daugavpils skeiteru “DEA” paraugdemonstriejumi, Betbox grupys “Pulse Call” uzastuošonuos.
