Leivuonu slimneicā nūteik leli siltinuošonas dorbi
Leivuonu slimneicā ituvosor nūteik leli siltinuošonas dorbi – taidā veidā teik apgiuti Eiropas Reģionaluos atteisteibas fonda i Veseleibas ministrejas dašķiertī leidzekļi 75 tyukstūšu latu lelumā. Itamā šaļtī firmas “Ošukalns Celtniecība” struodnīki veic kuorma fasadis siltinuošonas i apmešonas dorbus, kai arī sīnu kruosūšonu. Seveiguos vītuos teik veikts arī jumta remonts, pilneibā veikta ustobviersys siltinuošona.
Itamā šaļtī Riezeknē nūteik leli bārnuduorza kuorma Tiņanova īlā 31a renovacejas dorbi. Kab bārnuduorzs atbilstu myuslaiku praseibom, nūteik kuorma īškejī remontdorbi – ventilacejas, kanalizacejas i elektroapguodis sistēmu maiņa. Jau nūmaineiti lūgi i veikti kuorma fasadis kosmētiskī remontdorbi. Kuorma pluonojumu paradzāts damārūt pīcom bārnu grupom, nu kurom arī vīnai, tai saucamajai “sileitis” grupai.
Da vakardines pecpušdinei Katastrofu medicīnas centra mediķi Aglūnā snīguš paleidzeibu vaira nakai tyukstūšai svātceļinīku.18 tika hospitalizāti.Vysbīžuok svātceļinīki pi mediķim vārsuos ar pazaminuotu ci paaugstinuotu ašņaspīdīņi, kai arī visaižim kuoju i rūku nūberzumim. sajemtas syudzeibas arī par golvyssuopem, sasitumim i cytom nalelom traumom.
Beidzamajā dīnnaktī nadaudzi sazamazinuojuse krovas mašinu ryndas iz Latvejas i Krīvejas rūbežas, taču tuos vys veļ ir tyvas ryndu garuma rekordam. Itamā reitā Terehovā izbraukšonu nu valsts gaideja 1240 krovys mašinas, sovukuort Grebņevas rūbežkontrolis punktā stuoveja 430 smoguos mašinas.