Latgolys Radejis zinis (8.11.2007.)
Daugavpilī, beidzamuo mieneša laikā, mirs jau trešais, īspiejams ar nalobu alkaholu sazaindiejīs, cylvāks. 2. novembrī nu Daugavpils rajona Sventis pogosta Daugavpils reģionalajā slimineicā tyka nūguoduots kaids 1960. godā dzims veirīts, kuram mediki bie konstatiejuš sazaindiešonūs ar nalobu alkaholu. Aizvakar veirīts slimineicā nūmyra. Uzsuoks kriminālprocess.
Reit Ludzys rajona sporta školys kompleksā “Vuorpa” nūtiks Luočplieša dīnai veļteitys sporta sacenseibys školānim. Sacenseibys “Kurais stypruoks?” nūtiks treis apakšgrupuos – 6.-7.klasis, 8.-9. klasis un 10.-12.klasis.”Stypruokī” tiks nūskaidruoti taiduos disciplīnuos kai vīglatlētikys stafete, striča vilkšona, volejbols un basketbols.
Šudiņ plkst. 11.30 Daugavpils rajona padūmis telpuos nūtiks seminārs “NVA sadarbības partnerību veicināšana – iespējas un izaicinājumi 2008.gadā”. Semināra dalinīki tiks informāti par NVA pakalpuojumim dorba deviejim, NVA e-pakolpuojumim, ESF plānuotajim pasuokumim 2008.-2013. godā i EURES pakolpuojumim.
Daugavpils Universitātē turpynojās 2. Daugavpils zynuotnis festivāls, i šudiņ nūteik Veseleibys dīna, kurys laikā, varēs na tikai nūsaklauseitīs lekceju „HIV+ dzīves realitāte” i īpazeit sevi, sovu ķermeni veicūt dažaidus uzdavumus i mierejumus, apmeklēt anatomejis muzeju, bet i palikt par ašņa donoru, jū nu deveņim reita liedz divpadsmitim nūteik Vaļsts Ašņa donoru centra Daugavpils Ašņa sagatavuošonys nūdaļis izbraukums iz Daugavpils Universitāti. Nūteikūšū Veseleibys dūnu organizej Valsts Ašņa donoru centrs sadarbeibā ar DU.
Šudiņ vīnpadsmit stuņdēs vysā Latvejā iz treis minotim tyka īslāgtys trauksmis sirēnys, bet uztraukumam itūreiz nav pamata, jū sirēnys tyka īdarbynuotys, kab puorbaudeitum tū tehniskū gataveibu i skaņis signāla dzierdameibu.