Latgolys Radejis zinis (6.11.2007.)
Vakar ar pasuokumu Rēzeknis slimineicys Bārnu nūdaļā simboliski tyka atkluota Lobū dorbu nedeļa Rēzeknē. Jau ziņuots, ka nu 5. novembra Rēzeknis Piļsātys dūme sadarbeibā ar Jākubpils piļsātys dūmi reikoj Lobū dorbu nedeļu, kurys laikā uzjiemieji i organizācejis aicynuotys atbaļsteit dažaidys sabīdriskuos i sociāluos aktivitātis. Itaida Lobū dorbu nedeļa piļsātā teik reikuota pirmū reizi.
I tagad kaida naloba ziņa nu Rēzeknis: vakar vokorā Rēzeknis rajonā nītics ceļu satiksmis nagadejums, kuramā būjā guoje diveji cylvāki, tymā vydā divus godus vacs bārns, līcynoj Vaļsts gunsdzieseibys i gluobšonys dīnesta operatīvuo informāceja. Izaukums iz nagadejumu tyka sajimts plkst 22.15. Beja nūtykuse diveju mašynu sadursme. Gluobieju paleidzeiba beja vajadzeiga, lai nu avarejušom mašinem atbreivuotu būjāguojušūs i vīnu cītušū.
Šudiņ Latgolys apgoboltīsa planoj turpynuot skateit Leivuonūs pa lūgu izsvīstuo mozuo bierneņa kriminallītu. Kai ziņuots, 2006. goda 30 septembrī Jākubpils slimineicā nu dabuotojom traumom nūmyra 2,5 mienešus vacs bierneņš, kurais bie izsvīsts pa lūgu nu catūrtuo stuova.
Da 10.novembram Daugavpils Universitatē nūteik 2.Daugavpils zinuotnis festivals.Itamā godā kotrai festivala dīnai ir sova tema – “Ūdens diena”, “Meža diena”, “Enerģijas diena”, “Veselības diena”, “Sabiedrības diena” i “ANO Zinātnes diena ģimenēm”. Sešu dīnu gorumā ir īspieja dasadaleit vysaižuos atkluotajuos lekcejuos, konkursūs, diskusejuos, praktiskajuos nūdarbeibuos, apmekliet zinuotnis pylsāteņi, muokslas i muzikas dorbneicas, izstuodis, dasadaleit ekskursejuos pa institutim i pat kļyut par ašņa donoru.
Latvejis nacionāluo lidsabīdreiba “airBaltic” šudiņ attaiseis biroju Daugavpilī. Jaunajā “airBaltic”biroja klienti varēs rezervēt biļetis liduojumim, gon, lai sajimtu cytus aviokompānejis pīduovuotūs pakalpuojumus. Da šam aviokompānejai bie tikai diveji biroji Reigā, i Daugavpils ir vīna nu vairuokom piļsātom, kuruos “airBaltic” tyvuokajā laikā plānoj attaiseit birojus.
Šudiņ Rēzeknis Biznesa centra semināru zālē tiksīs Invalīdu i jūs draugu apvīneibu, piļsātys pošvaļdeibys i dažaidu uzjāmumu puorstuovji, lai dyskutātum par cylvāku ar invaliditāti īspiejom struoduot Rēzeknē.
Šudiņ Jākubpils rajona Mežāres pogosta KN nūtiks cyukkūpeibys kompleksa byuvnīceibys īceris ītekmis iz vidi nūviertiejuma suokūtnejuo sabīdriskuo apsprīšona. Jākubpils rajona Mežāres pogostā, zemis īpašumā “Golubovi”, SIA “CMC Ozoli” plānoj izveiduot jaunu cūkkūpeibys kompleksu ar vītom 1800 syvānmuotem i 15 000 vītu nūbarojamom cykom.