Latgolys Radejis zinis (30.10.2007.)

Daugavpils rajona kulturas nomā šudin nūtiks Latgolas reģiona myužizgleiteibas konference, kuramā tiks diskutiets par myužizgleiteibas atteisteibas politiku i atteisteibas tendencem Latvejā i Eiropā, par projekta “Latgales reģiona mūžizglītības atbalsta sistēmas veidošana un kapacitātes stiprināšana” rezultatim i cytim vaicuojumim.

Šudin Jiekabpils dūmis ustabuos nūtiks diskuseja “Sociāli atbildīgs spēļu bizness Jēkabpilī: šodien un rīt”.Pasuokumā pluonūts skaidrūt ar spieļu biznesu saisteitūs pastuovušūs aizsprīdumus i problemas, kai arī diskutiet par prīšknūsacejumim spieļu biznesa atteisteibai atīsmē. Diskuseju mierķs ir atrost sabīdreibas i spieļu biznesa interešu krystapunktu.

Šudin Riezeknis rajona padūmis siedē planuots lemt par Riezeknis rajona teritorejas planuojumu 2007.-2019.godam. Pošvaldeibas siedē pluonūts viertīs arī vaicuojumus par grūzejumu veikšonu Riezeknis rajona padūmis puorvaldis omotu sarokstā, par grūzejumim rajona administrativuos komisejas sastuovā. Tiks lemts arī par projekta jaunīšu izgleitojušuo vosoras škola “Ieklausies” eistenūšonu i par cytim vaicuojumim.

Šudin Dagdas orūdškolas ustabuos i Nūdarbinuoteibas valsts aģenturas Kruoslavas filiala ustabuos nūtiks Informacejas dīna par pilsūneibas vaicuojumim. Informacejas dīnā interesentim byus īspieja sajemt informaceju i konsultacejas par Latvejas pilsūneibas īgiušonas veidim, vajadzeigajim dokumentim, naturalizacejas puorbaudejumim, kai arī īsapazeit ar naturalizacejas puorvaldis izdūtajim informativajim i vuiceibu leidzekļim i īsaguoduot tūs.