Latgolys Radejis zinis (23.10.2007.)
Nu 24. da 26. oktobra dorba vizeitē Daugavpili apmeklēs delegaceja nu Pūlejis piļsātys Radomas. Delegaceju uzjam Daugavpils municipaluo policeja. Vizeitis mierkis ir pīredzis apmaiņa, profesionalūs kontaktu nūdybynuošona, sadarbeibys paplašynuošona starp obejom sadraudzeibys piļsātom.Šudiņ Rēzeknis piļsātys Kultūrys noma foajē plkst. 15.30 nūtiks fotokonkursa “Zoom-In” apbolvuošonys ceramoneja, konkursam sovus dorbus īsyutejuš 25 jaunīši. Rēzeknis piļsātys Kultūrys noma foajē leidz nedeļis beigom byus apsaverami 14 jaunīšu 34 potograpejis. Potograpeju konkursu i izstuodi “Zoom-In” organizēje Rēzeknis piļsātys Jaunīšu dūme i Rēzeknis piļsātys Izgleiteibys puorvaļde jaunatnis iniciatīvu projekta laikā. Fotokonkurss i izstuode reikuota ar mierķi veicynuot Rēzeknis jaunūšu radūšu darbeibu i īsasaisteišonūs piļsātys dzeivis veiduošonā, īdrūšynuot jaunatni breivai izsaceit sovu vīdūkli par jim aktuālom tēmom
Jau ūtrū reizi novembra suokuos Daugavpilī nūtiks „2. Daugavpils Zinātnes festivāls”. Festivāla mierķis ir popularizēt zynuotnis nūzeimi sabīdreibā i pīruodeit, ka tei var byut saprūtama ikvīnam. Ītūgod kotrai festivāla dīnai byus sova tēma. Festivālā daleibu jims zynuotnīki nu Daugavpils Universitātis i cytom Latvejis augstškolom, Šauļu Universitātis (Lītuva) i Varšavas Lauksaimnīceibys universitātis (Pūleja).
Da 26.oktobram nūteik “Jaunatnis demokratejas nedeļa Riezeknis dūmē”. Pasuokums teik organizāts ar mierķi veicinuot pylsātas jaunīšu leidzdaleibu sabīdriskajūs procesūs, radeit tīšu saikni storp Jaunīšu dūmis, školānu/studentu pošpuorvalžu puorstuovim i Riezeknis pylsātas dūmis vadeibu i nūdaļu specialistim.
