Latgolys kongress Daugavpilī
Programmā raksteits, ka kongress teik reikuots Interreg III A projekta “Starpkulturu studiju sadarbeibys teikla izveide pīrūbežā” i DU Komparativistikas instituta IZM projektu ītvorā. (Izreiz atsazeišu, ka pats nazynu, kū zeimoj “komparativistika”.)
Kongresa atkluošonys runuos DU rektors Arvids Barševskis atzeimeja, ka nav pamata Latgolu skaiteit par depresivu regionu i aicynova popularizēt Latgolys lobuokuos pusis. Ar eisu uzrunu uzastuoja ari Krīvejis konsuls N.Vihļajeva kungs – kai byutiskuokū jis izsaceja dorbu pi tuo, kab jaunīši palyktu regionā i namuktu prūm iz Reigu ci Eiropys vaļstim.
Kongresa īvodrunuos latgaliskū Latgolus puorstuoveja Valentins Lukaševičs.
Kai izaruoda – kongrsā teik puorstuovātys septenis vaļstis (Krīveja, Boltkrīveja, Pūleja, Lītova, Izraela, Angleja i Latveja).
Kleist baumys, ka nuokušais itaids kongress byušūt piec trejim godim.