Latgolas Kulturviesturis muzejā atkluos myuslaiceigai nūformātu keramikas ekspoziceju
Reit plkst.15 Riezeknē, Latgolas Kulturviesturis muzejā, pylsātas svātku ītvorūs tiks atkluota Latgolas keramikas ekspozicejas 1.kuorta.
Reit plkst.15 Riezeknē, Latgolas Kulturviesturis muzejā, pylsātas svātku ītvorūs tiks atkluota Latgolas keramikas ekspozicejas 1.kuorta, kuramā muzeja darbinīki realiziejuš pylsātā vēl nabejušas i myuslaiceigas idejis. Četrūs izstuožu zalūs tiks atkluots vyss Latgolas keramikas atteisteibas ceļš nu sanim laikim da pat XX godu symta suokumam. Ekspozicejas nūformiešonā izmontūti speciali sensori skaņis i gaismas radeišonai.
Šudin Daugavpilī Latvejas Zaļais punkts reikoj akceju “Mainām plastmasu pret audumu!”. Akcejas laikā Vīneibas laukumā dorbūsīs maiņis punkts, kuramā dzeivūtuoji varies samaineit koč 100 gramus izlītūtu polietilena maiseņu pret vairuokkuort lītojamu auduma īpierkuma sumku ar Zaļuo punkta simboliku. Akcejas mierķs ir aicinuot dzeivuotuojus kasdīnā īpirkšonuos vītuos izmontūt na polietilena maiseņus, bet gon daudzkuort izmontojamūs auduma maiseņus ci īpierkumu sumkas.
Šudin Daugavpils 1.orūdvidusškolas ustabuos atkluos valsts aģenturas “Sociālās integrācijas centrs” Latgolas reģionalū filialu – atbolsta punkts cylvākim ar invaliditāti. Lai arī filials atsarass Daugavpilī, tuo specialisti atbolsta punktā gaidies cylvākus ar invaliditati arī nu cytim rajonim.
