Lai īt, kas īt, mes buob, braucam…

Svātdiņ Stoņs iz sātu brauc
Puori Eša azaram.
Vīsuļs snīgu gaisā jauc,
Stoņs tik uzsyt zirdzeņam.
Prīceigs braukt –
Jis sīvai soka: kuojom īt
Niu līta švoka.
Bet, jo kas pavest pakaļ sauc,
Stoņs zyrgā sēstīs napasauc.
Lai īt, kas īt, mes buob, braucam.
Te iz pagrīzīņa krušuo
Izkreit sīva nūgurušuo.
Stoņs tū lāgā napamona,
Syt tik zirdzeņam uz suona.
Dzierd niu klīdzam – pagaid Stoņ!
Maņ jau vazuma tai gon.
Vēļ nu tuolīnis dzierd saucam.
Jys tik nūryuc buorzdā kluss –
Lai īt, kas īt, mes buob, braucam.

Olga Dundure nūpublicejuse itū dzejūli kaidā nu interneta sātys lopom – jei nazynūt ituo dzeijūļa autora. Mošeņ kaids nu jiusu zyna?